
Jinên Ciwan ên Azad: Bi nasnameya xwe serî hilde 

2018-03-08 12:42:37


	&nbsp;

	NAVENDA NÛÇEYAN - Jinên Ciwan ên Azad bi munasebata 8'ê Adarê daxuyanî dan û gotin:"Me hemleya 'Bi nasnameya xwe serî hilde' dest pê kir. Em bang li hemû kesî dikin ku li dijî desthildatdariya mêr û bi teşebûna wan a kapîtalîzmê serî hildin."

	&nbsp;

	Koordinasyona Jinên Ciwan ên Azad (JCA) bi munasebeta 8'ê Adarê daxuyaniya nivîskî da û 8'ê Adara hemû jinan pîroz kir. JCA'yê ragihand ku wan kampanyaya "Xwebûn - Xweparastin" berfireh kirine û dest bi hemleya "Bi nasnameya xwe serî hilde" &nbsp;kiriye.&nbsp;

	&nbsp;

	Di daxuyaniyê de Avesta Xabûr a ku di encama êrîşên dewleta tirk ên li ser Efrînê jiyana xwe ji dest da hat bi bîr anîn û wiha hat gotin:

	&nbsp;

	"Avesta Xabûr temsîliyeta serîhildana jinên ciwan e. Avestayê wekî bi hezaran jinên ku di têkoşîna tevgera Kurd de bûne sembol di heqîqeta dîrokê de şop hiştiye."

	&nbsp;

	'Îdeolojiya rizgariya jinê têkoşîn anî asteke din'

	&nbsp;

	Di daxuyaniyê de hat ragihandin ku ji destpêka dîrokê heta niha jinan li dijî hemû &nbsp;çewisandinan berxwe dane û jinên ciwan jî pêşengtiya vê yekê kiriye.&nbsp;

	&nbsp;

	Daxuyanî wiha bi dawî bû:

	&nbsp;

	"Em wekî Jinên Ciwan ên Azad ên li Ewropayê bi kampanyaya Xwebûn-Xweparastin îdeolojiya parastina jinê berfireh dikin. Em li ser vê bingehê 8'ê Adara hemû jinên cîhanê pîroz dikin. Em bang dikin hemû kes li dijî hişmendiya desthilatdar a mêr û kapîtalîzmê serî hildin. Wekî ku Serok Apo dibêje:'Kapîtalîzm înkarkirina evînê ye û heqîqet evîn e, evîn jiyana azad û wekhev e.'

	&nbsp;