
Endamên Konseya Navendî ya TTB’ê şayanî xelatê hatin dîtin 

2018-03-06 14:27:19


	&nbsp;

	AMED - Odeya Bijîşkan a Amedê îsal xelata Aştî, Dostanî û Demokrasiyê şayanî endamên Konseya Navendî ya Yekîtiya Bijîşkên Tirk (TTB) ên ku daxuyaniya “Şer pirsgirêka tenduristiya gelekî ye” dabûn û hatibûn binçavkirin dît.&nbsp;

	&nbsp;

	Odeya Bijîşkan a Amedê her sal di çarçoveya 14’ê Adarê Cejna Tibê xelata Aştî, Dostanî û Demokrasiyê dide. Odeyê îsal jî merasîma xelatê li dar dixe û xelatê şayanî endamên Konseya Navendî ya Yekîtiya Bijîşkên Tirk (TTB) ên ku daxuyaniya “Şer pirsgirêka tenduristiya gelekî ye” dabûn û hatibûn binçavkirin dît.&nbsp;

	&nbsp;

	Odeya Bijîşkan têkildarî mijarê li avahiya odeyê civîna çapemeniyê li dar xist. Nûnerên Komeleya Mafê Mirovan (ÎHD), Weqfa Mafên Mirovan a Tirkiyeyê (TÎHV) û endam û rêveberên odeyê beşdar bûn. Seroka Jûriya Xelatê Dr. Elîf Turan xelatê aşkere kir.&nbsp;

	&nbsp;

	Elîf Turan da zanîn ku îsal endamên Konseya Navendî ya TTB ên ku daxuyaniya “Şer pirsgirêka tenduristiya gelekî ye” dan û hatin binçavkirin û berdan layîqî xelatê hatine dîtin. Elîf Turan destnîşan kir ku xelat ji salên 90’î ve tê dayîn û got: “Dema ev pêvajoya tê qewimîn mirov binirxîne, vê xelatê di Tirkiyeya sala 2018’an de xwedî girîngiyek xwe heye.”&nbsp;

	&nbsp;

	Xelat dê di 17’ê Adarê de li Otela Demîr bi merasîmekê bidin endamên Konseya Navendî ya TTB’ê.&nbsp;

	&nbsp;