Li gumanbarê ku Gozde Akbaba qetil kir cezayê muebeta giran 

2026-10-22 19:46:27


	 

	ÎZMÎR - Li Lokman Etken ê Gozde Akbaba qetil kiribû ji sûcê ‘ji qestî û plankirî jin qetilkirin’ cezayê muebeta giran, ji sûcê çeka bê ruhsat jî sê sal ceza hat birîn.

	 

	Li navçeya Menemen a Îzmîrê di 19’ê Çile de gumanbar Lokman Etken jina bi navê Gozde Akbaba qetil kir. Doza ku gumanbar jê dihat darizandin li Dadgeha Ceza Giran a Menemê hat dîtin. Gumanbar Loman Etken, parêzerên wî  di runiştinê de amade bûn. Bavê Gozde Akbaba, Osman Akbaba bi SEGBÎS’ê tevli runiştinê bû.

	 

	Dozger mutala xwe pêşkêş kir û daxwaz kir ku ji sûcê ‘ ji qestî jin qetilkirin’ cezayê muebetê bê birîn û ji sûcê ‘çeka bê rûhsat’ bê cezakirin.

	 

	Heyeta dadgehê piştî parastin û îfadeyan biryara xwe aşkera kir û ji sûcê ‘ji qestî û plankirî jin qetilkirin’ cezayê muebeta giran, ji sûcê çeka bê ruhsat jî sê sal ceza hat birîn.