
Ji Îlham Elîzade 18 roj in agahî nayê girtin 

2026-09-24 21:36:25


	&nbsp;

	NAVENDA NÛÇEYAN - Jina Kurd Îlham (Suheyla) Elîzade ku ji aliyê hêzên îstîxbaratê ya Îranê ve &nbsp;hatibû binçavkirin, 18 roj in agahî jê nayê girtin.Tevî serlêdana malbatê agahiyeke der barê cihê ku lê girtiye de nehat dayîn.

	&nbsp;

	Li gorî nûçeya IranWire, hêzên Daîreya Îstîxbaratê ya Mihabadê, Îlham Elîzade li mala dayika wê binçav kir û heman rojê bir Daîreya Îstîxbaratê ya Urmiyeyê.

	&nbsp;

	Hate diyarkirin ku malbat û xizmên wê du hefte ne hewl didin bi serlêdana saziyên edlî û îstîxbaratê ya li Mihabad û Urmiyeyê agahî bigrin, lê derbarê sedema binçavkirina Îlham Elîzade, sûcên ku li ser wê tên kirin an jî derbarê pêvajoya dozê de nikarin tu bersivê bigrin.

	&nbsp;

	Hate ragihandin ku malbatê tevahiya sê rojan li pêşiya Daîreya Îstîxbaratê ya Urmiyeyê rawestiyane, lê rayedaran derbarê rewşa Îlham Elîzade de tu agahî nedane.

	&nbsp;

	Derbarê Îlham Elîzade de tu sûdarî nehatiye ragihandin û nayê zanîn ku bê ka destûr hatiye dayîn ku hevdîtin bi parêzeran re bike, bi telefonê hevdîtin bike an jî têkilî bi malbata xwe re deyne.

	&nbsp;