Li Parka Newrozê li dijî tundiya li ser jinan çalakî hat lidarxistin

2026-09-03 11:18:47


	 

	AMED - Şaredariya Bajarê Mezin a Amedê, di çarçoveya têkoşîna li dijî tundiya li ser jinan û xebatên hişyariya civakî de li Parka Newrozê stant danîn, nîşandana sînevîzyonê kir û bi hevdîtinên yek bi yek daxwaz û pêşniyarên jinan guhdarî kir.

	 

	Di civînê de ku armanca wê bihêzkirina torên piştevaniya jinan e, Seroka Daireya Polîtîkayên Jinan Ozden Gurbuz Sumer, endamên meclisê, xebatkarên daireyê û xebatkarên DÎKASUM’ê beşdar bûn.

	 

	Li qada parkê, di seranserê çalakiyê de ku tê de rêyên têkoşîna li dijî tundiya li ser jinan hatin nirxandin xebateke giran a qadê hat meşandin.

	 

	Xizmetên şaredariyê yên ji bo jinan hatin vegotin

	 

	Nîşandana taybet a sînevîzyonê ku di çarçoveya çalakiyê de hatibû amadekirin, pêşkêşî welatiyên li parkê hat kirin. Li stantên agahdarkirinê ku li du cihên cuda yên parkê hatibûn danîn jî li ser xizmetên şaredariyê yên şêwirmendiya hiqûqî, psîkolojîk û civakî û mekanîzmayên serlêdanê agahiyên berfireh hatin dan.

	 

	Daxwaz û pêşniyarên jinan hatin guhdarkirin

	 

	Jinan ku li parkê dema xwe derbas dikirin yek bi yek hatin ziyaretkirin û hevdîtinên taybet hatin kirin. Di hevdîtinan de pirsgirêkên ku jin di jiyana rojane de pê re rû bi rû dimînin, bendewariyên wan ên ji rêveberiya herêmî û pêşniyarên wan ên çareseriyê hatin guhdarkirin. Di van ziyaretan de materyalên agahdarkirinê jî bi jinan re hatin parvekirin.