
Şêniyên Dirbêsiyê ji bo zimanê Kurdî daketin kolanan

2026-09-01 12:49:10


	&nbsp;

	NAVENDA NÛÇEYAN - Şêniyên bajarê Dirbêsiyê li dijî biryara kêmkirina dema perwerdeya bi zimanê kurdî nerazîbûn nîşan da û daxwaza betalkirina biryarê da.&nbsp;

	&nbsp;

	Îro şêniyên Dirbêsiyê li dijî biryara sînordarkirina perwerdeya bi zimanê kurdî bo 3 saetan di hefteyê de, nerazîbûn nîşan da û diyar kir ku ev biryar nîşana dûrxistin û paşguhkirina zimanê kurdî ye.

	&nbsp;

	Di xwepêşandanê de ku li bazara navendî ya bajêr hate lidarxistin, şênî, endamên rêxistin û meclisên civaka sivîl, nûnerên partiyên siyasî û tevgerên ciwanan û jinan ên li bajêr amade bûn.

	&nbsp;

	Di dema xwepêşandanê de, daxuyaniyek ji aliyê Dîlber Şemo û Silava Semo ve hate xwendin.

	&nbsp;

	Di daxuyaniyê de hat gotin: "Em bi tundî biryara hikumeta Sûriyeyê ya veqetandina tenê 3 saetan di hefteyê de bo perwerdeya bi zimanê kurdî napejirînin. Zimanê kurdî nasname, çand, dîrok û bîra gelekî ye."

	&nbsp;

	Di daxuyaniyê de ji hikumeta veghuêz hat xwestin ku tavilê vê biryara "neheq" betal bike û daxwaza naskirina mafê perwerdeya bi zimanê kurdî û her wiha afirandina derfetan ji bo pêşketin û parastina wî hat kirin.

	&nbsp;