Jinên ciwan pêşbirkeke bezê û bisêklêtan li dar xist

2026-03-06 14:33:59


	 

	NAVENDA NÛÇEYAN - Li Kobanê bi pêşengiya Tevgera Jinên Ciwan pêşbirkeke bezê û bisêklêtan hate lidarxistin.

	 

	Tevgera Jinên Ciwan a bajarê Kobanê di çarçoveya çalakiyên 8'ê Adarê Roja Jinan a Cîhanê de pêşbirkeke bezê û maratona bisîklêtan li dar xistin.

	 

	Bi dehan jinên ciwan tevlî pêşbirkê bûn ku ji Qada Saetê destpê kir û li Qada Jina Azad bi dawî bû.

	 

	Di dawiya pêşbirkê de jinên serkeftî hatin xelatkirin û dirûşmên " Jin Jiyan Azadî" hatin berzkirin.