
Li Dêrsîmê ‘jiyana demokratîk’ hat nîqaşkirin 

2026-02-28 18:41:37


	&nbsp;

	DÊRSÎM - Di çarçoveya 8'ê Adarê Roja Jinan a Cîhanê de, çalakî û bernameyên jinan berdewam dikin. Bi pêşengiya Tevgera Jinên Azad (TJA), li Dêrsimê panelek hat lidarxistin.

	&nbsp;

	Li Dêrsîmê di çarçoveya 8’ê Darê de bi pêşengiya TJA’yê panel hat lidarxistin.Panel li kafeyekê bi beşdariya gelek kesan pêk hat. Di panelê de Hevberdevka Komîsyona Gelan û Baweriyan a DEM Partiyê Yuksel Mutlu û siyasetmedar Gultan Kişanak wekî axêver beşdar bûn. Moderatoriya panelê jî Hevseroka DEM Partiyê ya Dêrsimê Humeyra Tusun Yegîn kir.

	&nbsp;

	Kesên hatin qetilkirin hatin bibîranîn

	&nbsp;

	Yuksel Mutlu diyar kir ku jin ne tenê di 8’ê Adarê de, di her qada jiyanê de li ber xwe didin û wiha axivî: "Bîreke xurt a jinan heye. Jinan ev bajar, ev ziman û ev bawerî heta îro anîne. Ez li ber bîranîna hemû jinên me yên ku di salên 1937-38’an de jiyana xwe ji dest dane bi rêzdarî bejna xwe ditewînim. Îro hebûna Elewîtî, Kizilbaşî û Kurdbûna me bi saya keda wan e."

	&nbsp;

	Yuksel Mutlu bal kişand ser banga Rêberê Gelê Kurd Abdullah Ocalan a ji bo Aştî û Civaka Demokratîk û got ku ger hevrûbûnekî dîrokî pêk were, divê ev bi Kurd, Elewî, Ermen û jinan re be.

	&nbsp;

	'Emê xwedî li nirxên xwe derkevin’

	&nbsp;

	Gultan Kişanakê jî di axaftina xwe de diyar kir ku azadî bêyî kedê nabe û ev tişt got: "Divê em xwedî li nirxên vê axê derkevin. Dêrsim ne tenê bajarek e, nasnameyek e. Dêrsimîbûn bi berxwedan û azadiyê dibe nasname. Ziman û baweriya me du hêmanên bingehîn ên vê nasnameyê ne."

	&nbsp;

	&nbsp;

	&nbsp;