
Li Îzmîr û Denîzliyê êrîşên li ser Rojava hatin şermezarkirin 

2026-01-25 18:35:31


	&nbsp;

	NAVENDA NÛÇEYAN - Di çalakiyên li Îzmîr û Denîzliyê de êrîşê çeteyên HTŞ û DAÎŞ’ê yên ku ji aliyê dewleta Tirk ve tên destekkirin ên li ser Rojava, hatin şermezarkirin.

	&nbsp;

	Di meş û daxuyaniyên ku ji aliyê DEM Partiyê ve hatine organîzekirin de, daxwaza rakirina dorpêça li ser Kobanê û vekirina korîdorek alîkariya mirovî hat kirin.

	&nbsp;

	Di meşa ku li Foça ya Îzmîrê hat lidar xistin de, hat diyar kirin ku Rojava ezmûnek azadiyê ya hevpar e ku bi pêşengiya jinan hatiye avakirin. Endama DEM Partiyê Ozgul Turunçoglu, da zanîn ku êrîşên li ser Rojava bi plan û piştgiriya navneteweyî têne kirin.

	&nbsp;

	Hevberdevka rêxistinkirinê ya DEM Partiyê Esma Kaya, li Denîzliyê axivî û destnîşan kir ku Tirkiye bi rêya komên cîhadîst armanc dike ku Sûriyeyek bê Kurd ava bike. Esma Kaya, daxwaza rakirina dorpêça li ser Kobanê, vekirina deriyê sînor ê Pîrsûsê û bidawîanîna êrîşan kir.

	&nbsp;

	Piştî daxuyaniyê, li Denîzliyê çalakiyek rûniştinê hat lidar xistin.

	&nbsp;

	&nbsp;