Parasvanên Şêxmeqsud êrişa çeteyan têk bir

2026-01-09 16:43:18


	 

	NAVENDA NÛÇEYAN - Komên çete yên girêdayî Hikûmeta Demkî ya Suriyeyê ku dewleta Tirk destek dide wan, careke din êrişî taxa Şêxmeqsud kir. Lê hêzên ewlekariyê bersiva tund da û êriş têk bir.

	 

	Li gorî agahiyên ku nûçegihanên ajansa me ji herêmê ragihandine, komên çeteyan îro (9 Çile) saet 13.30’an de 2 caran hewl dan bi piştgiriya tangan û çekên giran ji aliyê Çerxerêya Zeytûnê ve bikevin taxa Şêxmeqsud. Li ser vê yekê Hêzên Ewlekariya Hundirîn a taxê bersiv da û pevçun derket. 

	 

	Di encama pevçûnan de çeteyan derbeyên giran xwarin û êriş hat şikandin, komên çeteyan qedemeyekê paşve vekişiyan.

	 

	Li hemberî taxê êrîşa bi çekên giran didome.