
Ji bo azadiya Abdullah Ocalan li Hesekê meş  

2025-11-29 15:25:07


	&nbsp;

	NAVENDA NÛÇEYAN - Pêkhateyên li Hesekê ku daxwaza azadiya fîzîkî ji bo Rêberê Gelê Kurd Abdulah Ocalan kirin, gotin ku “Rêber Ocalan bi ramanê xwe yê azad, Îmraliyê veguherand zanîngeha çareserkirina hemû pirsgirêkan.”

	&nbsp;

	Gelên Hesekê di bin dirûşmeya “Ji bo Rêber Apo azadiya fîzîkî” de, meşek li dar xistin û daxwaza azadiya fîzîkî ya Rêberê Gelê Kurd Abdullah Ocalan kirin. Ji pêkhateyên kurd, ereb, suryan û ermen endam û rêveberên saziyên civaka sivîl û gaziyên şer beşdarî meşê bûn. Meşvanan alên Kongra Star, wêneyên Rêberê Gelê Kurd Abdullah Ocalan û pankartên bi nivîsa “Ji bo Rêber Apo azadiya fîzîkî” hilgirtin.

	&nbsp;

	Meş li ber çarxereya Sînalko dest pê kir û li ber Parka Rêber Ocalan a taxa Nasira veguherî mitîngek. Piştî deqeyek rêzgirtin, Rêvebera Kongra Star a bajarê Hesekê Beyan Xelîl daxuyanî xwend.&nbsp;

	&nbsp;

	Beyan Xelîl diyar kir ku îro di bin yek armancê de dicivin, ku naveroka wê ji hemû qanûn û fikarên siyasî pêştir e û wiha pê de çû: “Ev vedigere ser bingeha mirovahiya me ya hevpar û mafê mirovan ê azadiya bedenî û rûmetê. Ji ber vê yekê doza rêber Ocalan, bi aliyên xwe yên qanûnî, siyasî û mirovî, bûye sembolek ku ji têkoşîna dirêj a ji bo diyalog, naskirin û lêgerîna çareseriyek dadperwer û wekhev derbas dibe.”

	&nbsp;

	Beyan Xelîl destnîşan kir ku êdî dema azadiya fîzîkî ya Rêberê Gelê Kurd Abdullah Ocalan hatiye û wiha got:”Divê mafê hêviyê garantî bike û tecrîdê bi dawî bike. Îro, wekî jin û wekî tevgera jinan, em bi yek dengî dibêjin ku azadiya fîzîkî mafekî nayê destgirtin e. Rûmet û edalet ne bi sînorkirinan, bi diyalog û naskirina hevbeş û bi vekirina deriyên çareseriyan li şûna girtina wan, bi dest dixin."

	&nbsp;

	Paşê Hevserokê Meclîsa bajarê Hesekê Farûq Tozo axivî. Farûq jî li ser projeya Rêberê Gelê Kurd Abdullah Ocalan a netewa demokratîk rawestiya. Farûq diyar kir ku bi fikir û ramanên wî, pirsgirêkên hemû cîhanê çareser dibe û wiha got: “Rêber Ocalan bi ramanê xwe yê azad, Îmraliyê veguherand zanîngeha çareserkirina hemû pirsgirêkan.”

	&nbsp;

	Meş bi dirûşmeya "Bê Serok Jiyan Nabe" bi dawî bû.

	&nbsp;

	&nbsp;

	&nbsp;