Di dosyaya Rojîn Kabaîş de pêşketinên nû

2025-09-01 14:27:28


	 

	AMED - Di dosyaya Rojîn Kabaîş de pêşketinên nû hene û dozgerî diyar kir ji du kesan bi guman in. 

	 

	Rojîn Kabaîş, xwendekara pola yekem a pêşveçûna zarokan li Zanîngeha Van Yuzuncuyil, piştî ku di 27'ê Îlona 2024'an de ji wargeha xwe derket, tu xeber ji wê nehat girtin. Roja din tiştên wê yên şexsî li peravê ji hêla xwendekarên mêvan ve hatin dîtin û rêveberiya wargehê hate agahdarkirin. Lê belê, rewş piştî nêzîkî 17 saetan ji malbata wê re hate ragihandin. Cenazeyê Rojin Kabaîş di 15'ê Cotmehê de li taxa Mollakasimê hat dîtin.

	 

	Tevî derbasbûna demê û têkoşîna domdar a malbata wê ji bo edaletê, di ronîkirina mirina bi guman de tu pêşveçûn çênebûye. Di vê heyamê de, Baroya Wanê ku dozê dişopîne, gelek caran bi dozgeriyê re civiya. Lê belê, tenê pêşketin rapora otopsiyê bû ku ji hêla ATK ya Stenbolê ve di 14'ê Mijdarê de hatibû amadekirin ku sedema mirinê "xeniqandin" bû. Lê belê, hûrguliyên girîng ên wekî çawaniya xeniqandinê, dema mirinê û dema ku di avê de mabûn hatin derxistin. Rapora zêde ku li ser daxwaza Baroya Wanê hatibû amadekirin, tenê agahiyên ji rapora berê dubare kir.

	 

	Malbat û raya giştî bi bangewaziyan li aqûbeta Rojîn Kabaîş dipirsin. Herî dawiyê bavê Rojîn Kabaîş Nîzamettîn Kabaîş derbarê dosyayê de ji dozger re axivî. Nîzamettîn Kabaîş derbarê mijarê de wiha axivî: "Dozgerî ji min re got 'DNA'ya du mêran di destê me de heye. Hinek sebr bike. Xwediyê DNA'yê zirarê dane Rojînê û em ê wan kesan derxin holê. DNA'yê ku hatin dîtin ne ya li ser cil û bergan e. Em ê bi hev re kiryan bibînin'. Ez bi gotinên dozger pir bi hestiyar bûm. Hinek hurgulî hene lê ji ber fermiyetê nayên aşkerakirin. Parêzer jî xwe gihandine dosyayê lê niha daxuyaniya fermî nadin. Hefteya pêşiya me piştî ku dozger hat dê daxuyanî bê dayîn."