
Gef li rojnameger Dîlan Kartal hat xwarin û hat șopandin 

2025-04-21 15:19:24


	&nbsp;

	&nbsp;

	AMED –Rojnameger Dîlan Kartal a ji aliyê polîsan ve hat tehdîdkirin û piştre bi awayekî fizîkî hat şopandin got, "Dixwazin rê li ber derketina rastiyê bigirin. Hewl didin rojnamegeriyê sûcdar bikin. Rojnamegerî ne sûc e."

	&nbsp;

	Rojnameger Dîlan Kartal a ku di Newroza Amedê ya 21'ê Adarê de ji aliyê polîsan ve rastî gefa binçavkirinê hat û piştre rastî çavdêriya fîzîkî û astengkirinê hat, serî li Komeleya Mafên Mirovan (ÎHD) da. Piştî serlêdanê Komeleya Rojnamegerên Jin a Mezopotamyayê (MKG), Komeleya Rojnamegeran a Dîcle Firatê (DFG) û ÎHD'ê li avahiya komeleyê daxuyanî dan.

	&nbsp;

	Polîs zextê dikin

	&nbsp;

	Serokê Şaxa ÎHD'ê ya Amedê Ercan Yilmaz, diyar polîs zextê li sendîkavan, xwendekar, rojnameger û parêzvanên mafên mirovan z dikin û karê wan krîmînalîze dike. Li gorî rapora ÎHD'ê ya Mijdara 2024'an, herî kêm 87 kes rastî zextên bi vî rengî hatine. Ercan Yilmaz, diyar kir ku her sal ev hejmar û cihêrengiya profîl zêde dibe, Dîlan Kartal jî rastî rewşeke bi vî rengî hatiye û ji ber vê yekê wan 2 caran serî li dozgeriyê daye. Ercan Yilmaz anî ziman ku ev pêkanîn azadiya kesayet û nepenîtiyê binpê dike û diyar kir ku wan bang li Wezareta Karên Hundir û Walîtiya Amedê kir ku der barê berpirsyaran de lêpirsînê bidin destpêkirin.

	&nbsp;

	‘Hewl didin rojnamegeriyê sûcdar bikin’ &nbsp;

	&nbsp;

	Dûvre Dîlan Kartal axivî û diyar kir ku li gel zextan jî ew ê ji karê xwe venegerin û got, "Hewl didin, rê li ber ronîkirina heqîqetê bigirin. Hewl didin rojnamegeriyê sûcdar bikin. Rojnamegerî ne sûc e."

	&nbsp;

	‘Divê qanûn ji bo hemû rojnamegeran pêk were’ &nbsp;&nbsp;

	&nbsp;

	Seroka MKG'ê Roza Metîna jî diyar kir ku bi salane rojnamegerên jin rastî zextên bi vî rengî tên û got, "Sibe roja rojnamegerên Kurd e, lê zextên bi vî rengî dewam dikin. Divê qanûn ji bo mafên hemû rojnamegeran pêk were. Weke rojnamegerên Kurd em ê li hemberî vê yekê bisekinin û hevalên xwe biparêzin. Nikarin gavê bi me pașde bidin avêtin. Sedema van êrîşan ew e ku civak rastiya xwe nebihîze û medyaya hawiz manîpulasyonê bike. Weke MKG em ê li hemberî êrîşên li ser jinên rojnameger bêdeng nemînin."

	&nbsp;