
Pexşan Ezîzî nikare bi malbat û parêzerên xwe re hevdîtinê bike 

2024-12-07 13:15:17


	&nbsp;

	NAVENDA NÛÇEYAN - Berpirsarên girtîgeha Evînê 150 roj in rê nadin parêzvana mafê mirovan û rojnamevan Pexşan Ezîzî bi malbata xwe û parêzerên xwere hevdîtinê bike.

	&nbsp;

	Komeleya Mafê Mirovan ya Kurdistanê derbarê rewşa parêzvana mafê mirovan û rojnamevana Kurd Pexşan Ezîzî de agahî parvekirin. Li gorî komeleyê rayedarên girtîgeha Evînê 150 roj in rê nadin Pexşan Ezîzî bi malbat û parêzerên xwere hevdîtinêbike.

	&nbsp;

	Hate gotin ku derbarê qedexeya hevdîtinê de, parêzeran nerazîbûna xwe nîşandane.

	&nbsp;

	Hêjayî gotinê ye Pexşan Ezîzî xelkê bajarê Mihabad yê Rojhilatê Kurdistanê ye. Roja 23’yê Tîrmeha 2024’an parêzvana mafê jinan, pispora xizmeta civakê û rojnamevana Kurd Pexşan Ezîzî ku li Îranê tê girtin, ji aliyê şaxa 26’emîn ya Dadageha Şoreşê ya Tehranê ku dibin serokatiya dadger Îman Afsharî de cezayê darvekirinê hate dayîn.

	&nbsp;

	&nbsp;