Foruma Çalakiyan a Têkoşîna Dijî Tundiya li Ser Jinan hat damezirandin 

2024-11-08 19:07:31


	 

	NAVENDA NÛÇEYAN - Meclisa Jinên Sûriyeyê ya Helebê Foruma Çalakiyan a Roja Têkoşîna Dijî Tundiya li Ser Jinan a Cîhanê, damezirand.

	 

	Meclisa Jinên Sûriyeyê ya Helebê bi boneya Roja Têkoşîna Dijî Tundiya li Ser Jinan a Cîhanê daxuyaniyek da. Daxuyanî li parka Efrîn a taxa Eşrefiyê ji aliyê endama Koordînasyona Meclisa Jinên Sûriyeyê Rîhab Îbrahîm ve hat xwendin.Endamên meclisê, nûnerên herêman, aktîvîstên jin ên ji hundirê Sûriyeyê û alîgirên mafên jinan beşdar bûn.

	 

	 Di destpêka daxuyaniyê de balkişandin ser dîroka Roja Têkoşîna Dijî Tundiya li Ser Jinan a Cîhanê .Di daxuyaniyê de hat diyarkirin ku bêwekhevî û çanda tundiya li ser jinan a di encama hegemoniya baviksalarî de, heta îro didome û ew jî li pêşiya pêkanîna wekhevî û aştiyê dibin astengî.

	 

	Di daxuyaniyê de bernameya çalakiyan ji ya 10’ê Mijdarê heta 25’ê mijdarê hatin diyarkirin:

	 

	* Paneleke diyalogê li ser Roja Têkoşîna Dijî Tundiya li Ser Jinan a Cîhanê were lidarxistin.

	 

	*Semînerên li ser tundiya li gorî beşa civakî û berdana bêdeng werin dayîn.

	 

	* Lidarxistina protestoyê li dijî tundiya li ser jinên cîhanê û yên Sûriyeyê bi taybetî.

	 

	* Li ser bandora tundiya derûnî û bedenî semîner li kampan werin dayîn û proşor werin belavkirin.

	 

	Di dawiya daxuyaniyê de teqezî bi bilindkirina asta têkoşînê ji bo girtina encamên baş ji bernameya çalakiyan û bidawîkirina bandorên rewşa dijwar a heyî.