Doza Narîn Guran di roja duyem de ye: Şahid tên guhdarîkirin 

2024-11-08 09:52:42


	 

	 

	AMED - Di roja duyemîn a danişîna ewil a doza qetilkirina Narîn Guranê de li şahidan tê guhdarîkirin. 

	 

	Zaroka bi navê Narîn Guran a 8 salî di 21’ê tebaxê de li gundê Çulî yê navçeya Rezan a Amedê hate qetilkirin. Danişîna ewil a doza qetilkirina Narîn Guran, di roja duyemîn de didome. Doz, li 8’emîn Dadgeha Cezayên Giran a Amedê tê lidarxistin. Beriya danişînê, pêşiya edliyeyê bi berîqetan hate girtin. Bersûcên girtî dayik Yuksel Guran, birayê wê Enes Guran, apê wê Salîm Guran û cîranê wan Nevzat Bahtiyar anîn eywana danişînê. Ji bo her 4 bersûcan ji ber sûcê “Bi awayekî komî zarokek biqesdî qetil kirine” cezayê muebbeta girankirî tê xwestin. Serokên baroyan, rêxistinên jin û zarokan, gelek siyasetmedar û gelek nûnerên rêxistinên civaka sivîl jî danişînê dişopînin. 

	 

	Danişîn, di roja duyemîn de bi wergirtina îfadeyên kekê Narîn Guranê yê bi navê Baran Guran dest pê kir.