Newaya Jin bi manşeta 'Bûn ronahiya heqîqetê' derket 

2024-09-02 10:07:46


	 

	 

	NAVENDA NÛÇEYAN - Rojnameya Newaya Jin ku her meh weşanê dike, bi manşeta "Bûn ronahiya heqîqetê" bal kişand ser qetilkirina rojnamegeran. 

	 

	Rojnameya Newaya Jin, rojnamevan Gulistan Tara û Hêro Behadîn ên li başûrê Kurdistanê xebat dimeşandin û 23’yê Tebaxa 2024’an di êrişa balafira bêmirov û biçek de hatin qetilkirin, kir manşet. 

	 

	Di rojnameyê de daxuyaniyên Tevgera Jinên Kurdistanê û rêxistinên çapemeniya jin, cih girtin û her wiha nirxandinên salên borî yên Gulistan Tara jî cih girtin.

	 

	Gulistan Tara di belgefilmeke bi wesîleya Roja Rojnamevanên Jin hatî amadekirin de, ev tişt digotin: “Dîroka çapemeniya Kurd û karakterê wê yên têkoşînê em anîn roja îro. Hevalên me yên rojnamevan ji bo girtina gotin, wêneyekî bedena xwe kirin sîper û heqîqet derxistin holê. Weke jineke Kurd, weke rojnamevanekê ez bi vê yekê serbilind im.”

	 

	Ji hevalên wan ên xebatê, Ozgur Serhad ji bo Newaya Jin nivîsek nivîsand û di nivîsê de bal kişand ser jiyana Gulistan Tara.

	 

	Di rûpelê forûmê de makaleya Rêberê Gelê Kurd Abdullah Ocalan a bi sernavê “Dixwazin bi Başûr komployê temam bikin” hate weşandin.