'Bi edaleta jinê em ê hesabê êrişan bipirsin' 

2024-08-25 14:55:52


	 

	 

	NAVENDA NÛÇEYAN - Jinan êrişên dewleta Tirk ên li dijî rojnamevanan şermezar kirin û diyar kirin ku wê bêdeng nemînin. Jinan gotin, "Em ê bi edaleta jinê hesabê van sûcan bipirsin."

	 

	Li Minbicê bi dehan jinan nûnerên Rêveberiya Xweseriya Demokratîk, Meclis Malbatên Şehîdan û Meclisa Jinan a Sûriyeyê ji bo şermezarkirina êrişa dewleta Tirk a a li bajarê Silêmaniyê ya li dijî wesayita rojnamevanan û şehîdkirina rojnamevan Gulistan Tara û Hêro Behadîn hatin ba hev.

	 

	Li wir Meclisa Kombûna Jinan a Zenubiya  ya Kantona Minbicê daxuyanî da. Daxuyaniy ji aliyê endama meclisê Nesrîn Hesen Meleve hat xwendin.

	 

	Nesrîn Hesen êrişa  dewleta Tirk a li dijî rojnamevanan şermezar kir û got: "Bi zanebûn rojnamevanên azad û azadiya derbirînê kirin hedef. Ev êriş binpêkirina qanûnên navneteweyî û qanûnên mafên mirovan e."

	 

	Nesrîn bang li civaka navneteweyî kir ku erkên xwe bi cih bînin û zextê li dewleta Tirk bikin bila êrişên xwe li ser gelên herêmê û çapemeniya azadî bisekinine.

	 

	Nesrîn Hesen got: "Dengê şoreşa ’Jin, Jiyan, Azadî’ li cîhanê belav dibe. Em ê bêdeng nemînin. Em ê ji bîr nekin, em ê bi edaleta jinê hesab bipirsin."