
Rola jinan a di şoreş de hat nîqaşkirin 

2024-08-18 18:06:32


	&nbsp;

	&nbsp;

	NAVENDA NÛÇEYAN - Zêdetirî 200 jinî rola jinan a di şoreşa Herêma Bakur û Rojhilatê Sûriyeyê de, bandora ramanên Rêberê PKK'ê Abdullah Ocalan a li ser jinan nîqaş kirin.

	&nbsp;

	Kongra Star bi koordîneya Nivîsgeha Jinan a rêxistina Partiya Yekitiya Demokratîk (PYD) ya Til Temirê bi armanca şîrovekirina geşedanên dawîn ên têkoşîna jinan li ser asta cîhanê civînek li dar xist.

	&nbsp;

	Civîn li hola Xeyme ya li bajarê Til Temirê bi amadebûna zêdetirî 200 endamên saziyên civaka sivîl, nûnerên partiyan û endamên Hêzên Ewlekariya Hundirîn-Jin hat lidarxistin.

	&nbsp;

	Endama Meclisa Giştî ya Jinan a PYD`ê ya bajarê Hesekê Ahîn Elî axivî. Ahînê bang li jinên li Sûriyeyê kir ku piştgiriya bidin konfederalîzma jinan û modela Rêveberiya Xweser ji xwe re bikin bingeh.

	&nbsp;

	Ahînê diyar kir ku jinan cihê xwe di qada siyasî, leşkerî û di nava saziyên civaka sivîl de girtine û got: "Tevgerên jinan ên li herêmê armanc dikin ku zihniyeta baviksalariyê, rêbazên tundiya li ser jinan, fihûş û koletiyê tune bikin û bi rêbazên cuda jinan pêş bixin, da ku azad bibin û civakeke demokratîk bê avakirin."

	&nbsp;

	Beşdaran der barê mijarên civînê pirs û nerînên xwe anîn ziman. Hate gotin, jin beriya şoreşê û beriya belavbûna ramanên Abdullah Ocalan paşguhkirî bûm û ji mafên xwe bê par hatibûn hiştin.

	&nbsp;

	Di dawiya civînê de endama Meclisa Giştî ya Rêxistina PYD'ê Ahîn Elî bersiva pirsên beşdaran da.

	&nbsp;