
Sebahat Tuncel: Li îmraliyê rejîmeke taybet di dewrê de ye  

2024-08-17 16:42:26


	&nbsp;

	&nbsp;

	ÎZMÎR - Li Îzmîrê bi mijara “Em li dijî tecrîdê têkoşîna azadiyê didin, li dijî desteserkirina îradeyê pêşengên jinûve avakirinê ne" gotûbêjek hat organîzekirin. Siyasetmedar Sebahat Tuncel di gotûbêjê de wiha axivî: "Heta ku Rêberê Gelê Kurd Abdullah Ocalan girtî be, em jî nikarin azad bibin.”&nbsp;

	&nbsp;

	&nbsp;Rêxistina DEM Partiyê ya Îzmîrê û Tevgera Jinên Azad (TJA) bi beşdariya siyasetmedar Sebahat Tuncel û parlamentera DEM Partiyê ya Dêrsimê Ayten Kordu bi mijara “Em li dijî tecrîdê têkoşîna azadiyê dikin, li dijî desteserkirina îradeyê pêşengên jinûve avakirinê ne” gotûbêj hat lidarxistin.&nbsp;

	&nbsp;

	Bername li eywana Jîn Artê hat lidarxistin û gelek kes tev li gotûbêjê bûn û ji bo cangoriyên azadiyê rêz hat girtin.&nbsp;

	&nbsp;

	Parlamenter Ayten Kordû bal kişand ser tecrîdkirina Rêberê PKK’ê Abdullah Ocalan û xwest tecrîd bê rakirin.&nbsp;

	&nbsp;

	Piştre siyasetmedar Sebahat Tuncel jî axivî û bi bîr xist ku ji sala 2015’an vir ve ew bi tundiyek dewletê ya sîstematîk re rû bi rû ne û dewletê çi kir û çi danî pêşiya xwe bi ser nexist û dê nikaribe bi vê polîtîkayê bi ser bikeve.&nbsp;

	&nbsp;

	Sebahat destnîşan kir ku ew her çiqas tehliye bûbûn jî lê ew hê jî ne azad in û got: “Heta ku Rêberê Gelê Kurd Abdullah Ocalan girtî be, em jî nikarin azad bibin. Heta em vê pergalê hilnewişînin, azadî û aştî nayê Tirkiyeyê. Navenda şerê Tirkiyeyê û polîtîkaya neçareserkirinê Girtîgeha Girava Îmraliyê ye. Li &nbsp; Îmraliye rejîmek taybet tê birêvebirin û di dewrê de ye. Heke ku pirsgirêka kurd bi rêyên aştiyane û demokratîk neyê çareserkirin, dê her dem krîz li Tirkiyeyê pêk werin.”&nbsp;

	&nbsp;

	Gotûbêj piştî beşa pirs û bersivan bi berzkirina dirûşmeya “Jin jiyan azadî” bi dawî bû.&nbsp;

	&nbsp;