
Jinên Kerkûkê li dijî guhertina di yasaya kesî de, xwepêşandan li dar xistin 

2024-08-08 13:51:21


	&nbsp;

	&nbsp;

	NAVENDA NÛÇEYAN - Beriya danê nîvro çalakvan û rêxistinên mafên jinan ên li Kerkûkê li dijî guhertina yasaya kesî, li ber Komîsyona Bilind ya Mafên Mirovan xwepêşandan lidarxistin.

	&nbsp;

	Hêzên Şîe yên li Parlamentoya Iraqê guhertinek ji bo Yasaya Kesî pêşkeş kirin ku têde mafê xwedîtiyê ji dayikan tê standin ku ev jî zewaca zarokên 9 salî rewa dike. Hiqûqnas û çalakvan dibêjin, yasa mafên jin û zarokan binpê dike û dibe sedema parçebûn û zêdebûna tundiyê di civakê de.

	&nbsp;

	Çalakvan û rêxistinên mafên jinan ên li Kerkûkê li dijî guhertina yasaya kesî ku wê bandorek nerênî li ser aramî û îstîqrara civakê bike, li ber Komîsyona Bilind ya Mafên Mirovan xwepêşandan lidarxistin.

	&nbsp;

	Xwepêşanderan ragihandin ku li dijî vê guhertina di yasaya kesî de wê rawestin ku ev yek binpêkirina mafê hemû mirovan taybet mafê jin û zarokane.

	&nbsp;

	Her wiha diyarkirin ku niha yasaya kesî bi şêweyî herî baş berdewam dike, lê guhertina wê li ser bingehên mezhebî wê bibe sedema jihevketina malbatan.

	&nbsp;

	Herî dawî xwepêşanderan destnîşankirin ku ger ev guhertina di yasayê de bê qebûlkirin dê di pêşerojê de ti zewac di dadgehê de neyê tomarkirin û zewacên ‘mut’a û misyar’ dê zêdetir bibe û bibe sedema perçebûna civakê.

	&nbsp;