Li dijî xebatên madenê ya li Zozanê Hasandinê bertek 

2024-07-24 18:04:36


	 

	AMED - Welatiyên navçeya Pasûrê kemçeyên ji bo xebatên madenê anîn Zozanên Hasandinê dan sekinandin û bertek nîşan dan.

	 

	Xebatên madenê yên krom û hesin ên li Zozanê Hasandinê ya navçeya Pasûr a Amedê hatin destpêkirin, rastî bertekên gel hat. Wesayîtên sondajê yên şîrketên navenda wan Îzmîr, tevî leşkeran hatin herêmê. Gelek welatiyan bertek nîşan dan û pêşiya kemçeyan girtin. Kanên madenê dê bandoreke neyînî li ser gundên Nêrçik, Şînas, Dimilyan, Hêlin û Beyrokê bike û welatiyan gotin ku ew li dijî vê ne.