Daxuyaniya Deng bide azadiyê ya Îzmîrê dewam dike 

2024-07-08 16:46:46


	 

	 

	 

	ÎZMÎR - Xizma girtiyan Medîne Kaymaz di çalakiya 'Deng bide azadiyê' ya li Îzmîrê dewam dike axivî û bal kişand ser têkoşîna Rêberê PKK'ê Abdullah Ocalan û diyar kir ku ew bi zarokên xwe yên dîl re li cem Rêberê PKK'ê ne. Peyama, "Di dawiyê de Kurd wê bi ser bikevin" hat dayin. 

	 

	Çalakiyên "Deng bidin azadiyê" ku bi pêşengiya Komeleya Alîkarî û Piştevaniya bi Malbatên Girtî û Hikûmxwaran a Egeyê re (EGE-TUHAYDER) li Îzmîrê ji aliyê xizmên girtiyan ve hatin destpêkirin, dewam dikin. Tecrîd û binpêkirinên mafan ên li ser Rêberê PKK'ê Abdullah Ocalan û girtiyên siyasî li ber Girtîgeha Ewlehiya Bilind a Bûca Kiriklarê hate protestokirin. Tevgera Jinên Azad (TJA), Dayikên Aştiyê, Rêxistinên Herêmî û navçeyan ên Partiya Wekhevî û Demokrasiyê ya Gelan  (DEM Partî), Partiya Herêmên Demokratîk (DBP) û gelek xizmên girtiyan beşdarî çalakiyê bûn. Di çalakiyê de pêşberên bi nivîsa "Ji tecrîdê re na" û "Em ji bo edaletê tecrîdê bişkînin" hatin hilgirtin. Pankarta "Ji bo aştiya civakî deng bide azadiyê" hate vekirin. Di çalakiyê de timî dirûşmên "Bijî berxwedana zindanan" û "Tecrîd ji tecrîdê re na, aştî êdî" hatin berzkirin.

	 

	'Rejîma qesrê hewl dide pêvajoya avakirinê biqedîne'

	 

	Parlamenterê DEM Partiyê yê Îzmîrê Îbrahîm Akin li vir axivî û diyar kir ku têkoşîna azadî, edalet û aştiya civakî li her derê dewam dike û destnîşan kir ku pêkanînên dijdemokratîk, dijmirovahî yên li Tirkiyeyê bi awayekî ku heta niha nehatibû dîtin derketiye pêş. Îbrahîm got, "Mijar ne tenê pirsgirêka ku li Îmraliyê tê meşandin û li gelek deverên Tirkiyeyê dewam dike, hewldana avakirina rejîmê ye."

	 

	'Têkoşîna li dijî tecrîd û îqtîdarê wê bidome'

	 

	Îbrahîm destnîşan kir ku divê hemû welatî mafên demokratîk bidest bixin û got, ew ê têkoşîna demokrasî û aştiyê ji bo her kesî li her derê bidomînin. Îbrahîm ev daxuyanî da: “Em ê hem li ser polîtîkaya tecrîdê hem jî li ser polîtîkaya qeyûmê bi israr biryardariya xwe bidomînin. Em ê li her derê bi hev re bin."

	 

	'Di dawiyê de Kurd wê bi ser bikevin'

	 

	Dûre xizma girtiyan Medîne Kaymaz axivî û got, "Ev zilm wê heta kengê bidome?" Medîne da zanîn ku têkoşîna li dijî zilmê dê bidome û got, “Çiqas dewletan ev zilm kirin lê winda kirin. Nêzîkî dema wendakirinê ye. Dewlet nikarîbûn vê zilmê bidomînin. Di dawiyê de kurd wê bi ser bikevin ji ber ku em mirovatiyê dixwazin, em aştiyê dixwazin, em edaletê dixwazin. Em li dijî zilmê ne. Rêberê Gelê Kurd bi salan li giravekê tê girtin. Heya ew li wir be ev têkoşîn wê bidome, baş bizanibin. Em û zarokên xwe li pişt wî ne. We dev ji her tiştî berdaye, hûn zilmê dikin."

	 

	Piştî axaftinan çalakiya rûniştinê ya 10 deqeyan hate lidarxistin. Di çalakiya rûniştinê de xizmên girtiyan ji bo şermezarkirina tecrîdê lîrandin.

	 

	Çalakî bi dirûşmeyan bi dawî bû.