
Cenazeyê Zeynep û Şakîr di dorpêça polîsan de hat veşartin 

2024-06-22 10:46:53


	&nbsp;

	&nbsp;

	NAVENDA NÛÇEYAN - Cenazeyê Zeynep Ozkan li Basa, yê Şakîr Erdemcî jî li Toroslarê hatin definkirin.&nbsp;

	&nbsp;

	Endama YJA-STAR'ê Zeynep Ozkan li navçeya Basa û cenazeyê endamê HPG’ê Şakîr Erdemcî jî li Goristana Guneykentê ya Mêrsînê di dorpêça polîsan de hatin veşartin.

	&nbsp;

	Şirnex

	&nbsp;

	Endama YJA-STAR'ê Zeynep Ozkan 18'ê hezîranê di şerê li Çiyayê Mawa ya li navçeya Heskîfa Êlihê de jiyana xwe ji dest dabû. Malbatê duh cenazeyê keça xwe teşhîs kir û ji Nexweşxaneya Perwerdehiyê û Lêkolînê ya Êlihê wergirt û bir gundê Banayê yê bi ser navçeya Basa Şirnexê. Rêveberên MEBYA-DER'ê û ferdên malbatê beşdarî merasîmê bûn. Cenaze di bin dorpêça polîsan de li goristana gund hat veşartin.&nbsp;

	&nbsp;

	Mêrsîn &nbsp;

	&nbsp;

	Endamê HPG’ê Şakîr Erdemcî 18'ê hezîranê di şerê li Çiyayê Mawa ya li navçeya Heskîfa Êlihê de jiyana xwe ji dest dabû. Malbatê duh cenazeyê lawê xwe teşhîs kir û ji Nexweşxaneya Perwerdehiyê û Lêkolînê ya Êlihê wergirt û bir Mêrsînê. Cenaze di dorpêça polîsan de hat veşartin. Tenê destûra 4 ferdên malbatê hat dayîn ku beşdarî merasîmê bibin. Cenaze di dorpêçê de li Goristana Guneykentê ya li navçeya Toroslara Mêrsînê hat veşartin.&nbsp;