
Li Swîsreyê name ji CPT’yê re hatin şandin 

2024-06-21 20:23:16


	&nbsp;

	&nbsp;

	NAVENDA NÛÇEYAN - Endamên Meclîsa Jinê ya Rojbîn ku li Aaraûyê xebat dimeşîne, ji bo azadiya Rêberê PKK‘ê Abdullah Ocalan hezar û 49 name ji CPT’yê re şand.

	&nbsp;

	Meclîsa Jinê ya Rojbîn a Aaraûyê ku li Swîsreyê xebat dimeşîne, ji bo azadiya fîzîkî ya Rêberê PKK‘ê Abdullah Ocalan hezar û 49 nameyên îmzekirî ji Komîteya Pêşîgirtina Êşkenceyê (CPT) re şand.

	&nbsp;

	Gelek endamên Navenda Civaka Kurd a Demokratîk a Aaraûyê jî ku li ber Postaxaneya Aaraûyê li hev civiyan, piştgirî dan.

	&nbsp;

	Berdevka Meclîsa Jinê ya Rojbîn Demîr bang li CPT’yê kir ku berpirsyariyên xwe yên ji bo Îmraliyê bi cih bîne û destnîşan kir ku ew ê li dijî vê bêdedaletiyê bêdeng nemînin. Rûken Demîr diyar kir ku bêdengiya CPT’yê tecrîdê kûrtir dike.

	&nbsp;

	Di daxuyaniyên li ser navê komîteya Aaraûyê de hate diyarkirin ku heta azadiya Abdullah Ocalan wê têkoşînê bidomînin.

	&nbsp;

	Piştî daxuyaniyê girseyê bi dirûşmeyên “Bijî Serok Apo”, “Bê Serok jiyan nabe” nameyan ji CPT’yê re şandin.

	&nbsp;

	Kampanyaya ku ji 19’ê Hezîranê ve li Swîsreyê tê berdewamkirin, 22’yê Hezîranê li Basel 24’ê Hezîranê li St Gallenê, 25’ê Hezîranê li Luzernê û 26’ê Hezîranê li Bernê dewam bike.

	&nbsp;

	&nbsp;