
Bi êrişên Tirkiyeyê 19 hezar dar şewitîn 

2024-06-13 10:10:40


	&nbsp;

	&nbsp;

	NAVENDA NÛÇEYAN - Dewleta tirk li Bakur û Rojhilatê Sûriyeyê zêdetirî 2 hezar hektar çandinî û 19 hezar darên berhemdar şewitandin.

	&nbsp;

	Dewleta tirk û komên girêdayî wê her sal bi mewsima çinînê re zeviyan topbaran dikin. Şêniyên herêmê diyar dikin ku dewleta tirk bi topbarankirina zeviyan, siyaseta koçberkirin û dagirkirina axa wan didomîne.

	&nbsp;

	Di encama topbarana dewleta tirk de li kantonên Minbic, Firat û Cizîrê zirarên madî yên mezin li cotkaran bûn.

	&nbsp;

	Nûçegihanên me mewsima çandiniyê ya herêmê ji destpêkê ve heta dema çinînê şopand û li gorî wê bîlançoyek amade kir.

	&nbsp;

	Bîlançoya şewitandina zeviyan wiha ye:

	&nbsp;

	Hezar û 961 hektar li gundewarên Minbicê,

	&nbsp;

	219 hektar li gundewarê Eyn Îsayê,

	&nbsp;

	94 hektar li gundewarên Til Temirê,

	&nbsp;

	19 hektar li gundewarên Zirganê,

	&nbsp;

	150 hektar li gundewarên Qamişlo û Amûdê,

	&nbsp;

	Bi giştî nêzî 2 hezar hektar çandinî hate şewitandin.

	&nbsp;

	Her wiha 19 hezar darên zeytûn û fistiqên helebî şewitandin ku piraniya wan li kantona Minbicê bûn.

	&nbsp;

	Komîteyên destwerdana lezgîn ên ku Rêveberiya Xweseriya Demokratîk li her bajar û kantonekê ava kirine, seferberiya tîmên rewşên awarte li gund û bajarokan, komînan û meclisan û cotkaran û tevgera wan a bilez, nehişt ziyan zêdetir bibe.

	&nbsp;

	Li gorî hevserokê Komîteya Şaredariyan a Meclisa Bajarê Girê Spî Mihemed Derwîş, tîmên parastina sivîl û rewşên awarte, 44 şewat vemirandin ku çeteyan li nêzî sînorên deverên dagirkirî yên Girê Spî, gundên Hîşe, Seyda, Xirbet Hedle, Tirwaniye, El Emîr derxistibû.

	&nbsp;

	Her wiha endamê Foca Agirkujiyê ya Şaredariya Gel a kantona Mibnicê Talal Hemîdî diyar kir ku tîmên parastina sivîl û rewşên awarte 300 şewat vemirandine.

	&nbsp;