Malbatên girtiyan bi Wezîrê Dadê re hevdîtin kir

2024-06-12 16:41:44


	 

	 

	ENQERE - Malbatên girtiyan ên ji Êlih û Amedê hatin Enqereyê, bi Wezîrê Dadê Yilmaz Tûnç re hevdîtinê kirin. Wezîr di hevdîtinê de diyar kir ku dê piştî cejnê carek din hevdîtinê bikin. 

	 

	Çalakiyên ku malbatên girtiyan bi daxwaza rakirina tecrîdê li ser Rêberê PKK’ê Abdullah Ocalan û azadiya wî ya fizîkî û çareseriya pirsgirêka kurd dane destpêkirin didomin. Gelek malbatên girtiyan ên di vê çarçoveyê de ji Amed û Êlihê hatin Enqereyê bi daxwaza “Edaletê bi cih bîne, hiqûqê pêk bîne” bi Wezîrê Dadê Yilmaz Tûnç re hevdîtin kirin. Parlamenterên Partiya Wekhevî û Demokrasiyê ya Gelan (DEM Partî) Meral Daniş Beştaş, Alî Bozan û Newroz Ûysal Aslan jî bi malbatan re bûn. 

	 

	Di hevdîtinê de binpêkirina mafên girtiyan hat ziman û derbarê rewşê de hat dayîn. Wezîr Yilmaz, destnîşan kir ku dê piştî cejnê carek din hevdîtinê pêk bînin. 

	 

	Piştî hevdîtinê Meral Daniş Beştaş axivî û got: "Civîna Komîsyona Lêkolîna Mafên Mirovan wê di demeke nêz de dest pê bike. Wezîrê Dadê jî li vir e. Em dixwazin bi wî re behsa binpêkirina mafan a li girtîgehan û rewşa girtiyên nexweş bikin. Dayikên me ji bajarên cuda hatine. Her çarşemê xizmên girtiyan û girtiyên nexweş li Enqereyê tên cem hev. Hatin bi Wezîrê Dadê re hevdîtinê bikin û ji bo çareserkirina pirsgirêkan pêşniyar û daxwazên xwe ragihînin. Ev pêvajo ev çend hefte ye didome. Heta niha tu hevdîtin bi wezîr re çênebûye. Lê îro beriya civîna komîsyonê ev hevdîtin li gel dayikan bi Wezîrê Dadê re hat kirin. Dayikan daxwazên xwe yek bi yek anîn ziman û rewşa xizmên xwe anîn ziman.

	 

	Pirsgirêka herî girîng a niha li Tirkiyeyê binpêkirina mafên mirovan û pêkanînên wekî îşkenceya li girtîgehan e. Daxwaza me ya yekem ew e ku girtiyên nexweş neyên hiştin ku bimirin, lezgîn e. Daxwaza me ya ku divê demildest bê çareserkirin ew e ku em rastiya girtîgeh ne cihê girtiyên nexweş bên qebûlkirin, astengiyên ATK û dozgeriyê yên li pêşiya şandina wan ji malbatan re bên rakirin û dawî li înfaz û şewitandinê bê. Ji ber ku lijneyên şopandina girtîgehan wekî darazê biryaran didin û carna jî 3 salan dirêj dikin. Em dixwazin van bi malbatan re bi dawî bibin. Me li gel dayikên xwe bi Wezîrê Edaletê re hevdîtin kir û me ev daxwazan ragihandin. Soz da ku piştî cejnê careke din bi malbat û dayikan re hevdîtinê pêk bîne. Em ê vê pêvajoyê bişopînin û nehêlin."