
Ji bo mîtînga 13'yê Hezîranê bang: Em xwedî li vîna xwe derkevin

2024-06-11 10:54:07


	&nbsp;

	&nbsp;

	&nbsp;

	
		WAN - Li dijî tayînkirina qeyûm a şaredariya Colemêrgê di 13'yê Hezîranê de mîtîngek tê lidarxistin. Siyasetmedar banga tevlîbûna mîtîngê li gel kir û got: "Gelê me dê xwedî li vîna xwe derkeve."&nbsp;
	
		&nbsp;


	Hevşaredarê Colemêrgê Mehmet Siddik Akiş ji peywîrê hat girtin û li şûna wî qeyûm hat tayînkirin. Bertekên li hemberî tayînkirina qeyûm hem li Tirkiyeyê û hem jî li Kurdistanê tê şermezarkirin. Di 13'yê Hezîranê de bi pêşengtiya Partiya Wekhevî û Demokrasiyê ya Gelan (DEM Partî) bi dirûşma “Em rê nadin qeyûman" li pêşiya Mizgefta Uluyê ya Colemêrgê mîtîngek tê lidarxistin. Kongreya Civaka Demokratîk (KCD), Kongreya Demokratîk a Gelan (HDK), Partiya Herêmên Demokratîk (DBP), Tevgera Jinên Azad (TJA), Tifaqa Ked û Azadiyê, pêkhateyên DEM Partiyê û rêxistinên civaka sivîl dê tevli mitîngê bibin. Ji bo mîtîngê dê ji bajarên Kurdistan û Tirkiyeyê jî gelek kes tev li bibin.&nbsp;

	&nbsp;

	Siyasetmedar banga tevlîbûna mîtîngê li gel kir.&nbsp;

	&nbsp;

	Hevseroka DEM Partî ya Rêya Armûşê Nurhayat Polat, bal kişand ser girîngiya mîtîngê û got: "Daxwaza me ev ê ku gel tevlî mîtîngê bibin. Em banga tevlîbûna sazî û dezgehên demokratîk, sendîka rêxistinên pîşeyî dikin. Ji bo parastina vîna Gelê Kurd dê gel di mîtîngê de cihê xwe bigire."&nbsp;

	&nbsp;

	Aktîvîsta TJA'yê Gulistan Bozkurt jî destnîşan kir ku dê di 13'yê Hezîranê de bicivin û wiha bi lêv kir: "Gel dê xwedî li vîna xwe derkeve. Li &nbsp;vî vîna gel tê xespkirin û tune tê hesibandin. Hebûna kurdan tê înkarkirin. Sedsal in em têkoşîna hebûnê didin û em ê vê têkoşînê jî bidomînin. Em dev jî têkoşînê bernadin. Ez bang li gel dikim ku xwedî li vîna xwe derkevin."&nbsp;

	&nbsp;

	Endama Meclîsa Şaredariya Tuşbayê ya DEM Partiyê Serap Guvenç, jî di axaftina xwe de wiha behsa xespkirin vîna gel kir: "Ev yek di hiqûqê de nîne. Li dijî zîhniyeta qeyûm û ji bo rawestandina tayînkirina qeyûm dê di 13'yê Hezîranê de li Colemêrgê bicivîn."

	&nbsp;

	Endama Meclîsa Şaredariya Şaxê ya DEM Partiyê Üyesi Edîbe Babur, derbarê mijarê de wiha nêrînên xwe anî ziman: "Em ji vir bang li gelê xwe dikin divê em xwedî li Şaredariya Colemêrgê derkevin. Ji bo vê jî em ê di 13'yê Hezîranê de li Colemêrgê bin. Em bi hev re qeyûman ji vir bişînin. Qeyûm tê wateya talan û zilmê, tê nenaskirina Kurdistan û Tirkiyeyê. Ji ber vê yekê em yekcar qeyûman nas nakin. Em ê bi hev re qeyûma li Colemêrgê def bikin."&nbsp;