
Berxwedana Geziyê di sala 11’emîn de ye: Hûn nikarin kesên berxwe didin biçewisînin 

2024-05-31 21:11:43


	&nbsp;

	STENBOL- Bi wesîleya 11’emîn salvegera Geziyê bi awayekî girseyî çalakî pêk hat û wiha hat gotin: “Hûn dikarin yekitiya kesên li dijî zextan berxwe didin biçewisînin. Berxwedana Geziyê ne paşeroja vî welatî pêşeroja wê ye.”

	&nbsp;

	Piştevaniya Taksîmê, &nbsp;bi wesîleya 11’emîn salvegera Berxwedana Geziyê li ber Şaxa Odeya Endezyarên Maşîneyê ya Stenbolê ya li Beyoglu daxuyaniyek da. &nbsp;Polîsan û TOMA’yan &nbsp;kolan girtin û tevî vê welatî hatin gel hev.

	&nbsp;

	Bi sedan kes tevli çalakiyê bûn. Hevseroka DEM Partiyê Tulay Hatîmogullari û parlamenterên din yên partiyên siyasî, dayika Berkîn Elvan yê di berxwedan Geziyê de hat qetilkirin, Gulsum Evlan û gelek rêxistinên jinan û civaka sivîl tevli bûn.

	&nbsp;

	Endamê Piştevaniya Taksîmê Akîf Burak Atlar daxuyanî xwend. Akîf da zanîn ku Gezî hêviya gelên hatine gel hev e û wiha got: “Hemû kesên di doza Kobanê, doza Geziyê û li dijî bêdadiyê ne, tên çewisandin. &nbsp;Hûn dikarin yekitiya kesên li dijî zextan berxwe didin biçewisînin. Berxwedana Geziyê ne paşeroja vî welatî pêşeroja wê ye. &nbsp;Di doza Geziyê de bi biryarên dijhiqûqî ceza hatine dayîn. Em li dijî vê dijhiqûqiyê bêdeng namînin. Gezî wê bibe hêviya wekhevî, azadî û edeletê.”

	Daxuyanî bi dirûşmeyan bidawî bû.

	&nbsp;