Dibistanên Mexmûrê ketin betlaneya dawiya salê

2024-05-16 12:20:38


	 

	 

	NAVENDA NÛÇEYAN - Dibistanên Wargeha Penaberana a Mexmûrê ku bi giştî 3 hezar û 500 xwendekar lê dixwînin ketin betlaneyê û xwendekaran karnameyên xwe girtin.

	 

	Li Wargeha Penaberan a Şehîd Rustem Cûdî (Mexmûr) 4 dibistanên Seretayî, 2 dibistanên navîn û dibistanek ya amedeyî ku nêzî 3 hezar û 500 xwendekar bi zimanê dayikê lê dixwînin, ketin beltaneya havînê û xwendekaran karneyên xwe girtin.

	 

	Li yek ji dibistanên wargehê ya navîn a Şehîd Jiyan, merasîm bi deqeyek rêzgirtin di kesayeta şehîd Heqî Karer de ji bo tevahî Şehîdên Tevgera Azadiya Kurdistanê bi sîrûda Netewî destpê kir.

	 

	Piştî rêzgirtinê mamoste Dawid Kar axivî û wiha got: “Me salek a perwerdeyê têr û tijî derbas kir. Her çiqasî kurt û kêmaniyên xwe hebin jî lê di nava van şert û mercên heyî de me saleke tije derbas kir. Gelek xwendekar di nava vê salê de xebitîn û pileyên bilind bi dest xistin, ev tê xwestin ku her xwendekarek, her ferdek ku di vê wargehê de dixwîne pêwîstî pê heye ku xwe pêş bixe ji bo ku bikaribe ji civaka xwe re bibe pêşengek û bibe bersivek ji bo tekoşîna Rêber Apo. Ji ber wê pêwîst e her xwendevanek kurt û kêmaniyên xwe yên heyî ber çavan re derbas bike ku bikaribe hîn zêdetir xwe pêş bixe. Her wiha mamostayên ku di vê xebatê de ked dayîn, berhem dayîn em sipasiyên xwe pêşkêş dikin. Bi vê hest û baweriyê di xebat û pêşeroja we de serkeftinê dixwazin.”

	 

	Her wiha piştî axaftina Mamoste Dawid Kar, xwedevanên ku pileyên yekemîn wergirtine belgeyên yekemîn ji bo wan hat dayîna û piştre jî derbasî refên xwe bûn û karnameyên xwe girtin.