
Li Qamişlo û Dirbêsiyê meş hatin lidarxistin

2024-05-14 15:04:41


	&nbsp;

	&nbsp;

	NAVENDA NÛÇEYAN - Li Qamişlo û Dirbêsiyê bi sedan kesî êrişên dewleta tirk ên li ser Herêmên Parastinê yên Medyayê û biryara qedexekirina hevdîtinê ya bi Rêberê PKK'ê &nbsp;Abdullah Ocalan re şermezar kirin.

	&nbsp;

	Li Qamişlo û Dirbêsiyê yên kantona Cizîrê bi pêşengiya Tevgera Ciwanên Şoreşgerê, bi sedan kes li dijî êrişên dewleta tirk ên li ser Herêmên Parastinê yên Medyayê û biryara desthilata tirk a qedexeya hevdîtina bi Rêberê PKK'ê Abdullah Ocalan re, meşiyan.

	&nbsp;

	Bi hezaran kes beşdarî meşan bûn. Di meşan de wêneyên Rêber ê PKK'ê Abdullah Ocalan, alên Tevgera Ciwanên Şoreşger a Sûriyeyê, Yekitiya Jinên Ciwan hatin hildan.

	&nbsp;

	Meşa li Qamişloyê ji Çerxerêya Şehîd Rûber dest pê kir û li pêşiya Pakrewangeha Şehîd Delîl Saroxan rawestî. Di mîtîngê de rêvebera Yekitiya Jinên Ciwan a Kantona Cizîrê Medya Ebdurehman axivî û bal kişand ser planên dewleta tirk ên li dijî Kurdistanê.

	&nbsp;

	Medya Ebdurehman beşdariya PDK’ê di êrişên dewleta tirk ên li ser Herêmên Parastinê yên Medyayê de jî şermezar kir û rêbazê pêşwazkirina Tayyip Erdogan a li Hewlêrê bi bîr xist.

	&nbsp;

	Medyayê her wiha biryara desthilata tirk a qedexeya hevdîtina bi Rêberê PKK'ê Abdullah Ocalan re û bêdengiya hêzên navneteweyî ya li hemberî tecrîdê wek siyaseteke qirkirinê ya li dijî Kurdistaniyan nirxand.

	&nbsp;

	Hevserokê Yekitiya Ciwanên Suryan ên Pêşverû Subhî Melek jî berxwedana gerîlayên azadiyê û QSD’ê silav kir û bi navê Yekitiya Ciwnanên Suryan ên Pêşverû piştgiriya xwe bi gerîlayan re anî ziman.

	&nbsp;

	Subhî Melek got dê heta azadiya fizîkî ya Rêberê PKK'ê Abdullah Ocalan û têkbirina tevahî planên dewleta tirk têkoşînê bidomînin.

	&nbsp;

	Dirbêsiyê&nbsp;

	&nbsp;

	Li Dirbêsiyê jî bi sedan kes ji pêşiya Mizgefta Hac Sultan dest bi meşê kir. Meş li Sûka Navendî sekinî. Li wir endama Însiyatîfa Gel a Azadiya Rêber Abdullah Ocalan a Dirbêsiyê Raziya Mihemed axivî û êrişên dewleta tirk ên li ser Başûrê Kurdistanê û qedexeya hevdîtina bi Abdullah Ocalan şermezar kirin.

	&nbsp;

	Raziya Mihemed got heta edalet ji bo Rêber Abdullah Ocalan pêk were û dagirker ji Kurdistanê werin derxistin, dê di hemû qadan de têkoşînê bidomînin.

	&nbsp;