
Hozan Mizgîn li Mexmûr û Şengalê hat bibîranîn

2024-05-12 09:47:03


	&nbsp;

	&nbsp;

	NAVENDA NÛÇEYAN - Hozan Mizgîn li navenda Stiya Nexşa ya Şengalê bi gotina stranên wê û stranên li ser wê, hat bibîranîn. Her wiha Hozan Mizgîn li Navenda Çand û Hunerê ya Wargeha Şehîd Rustem Cûdî (Mexmûr) hat bibîranîn.

	&nbsp;

	Şoreşgera Kurd Hozan Mizgîn di 32’yemîn salvegera koça dawî ya xwe de li gelek deverên Kurdistanê bi çalakiyên hunerî tê bibîranîn.

	&nbsp;

	Navenda Çand û Hunerê ya Jinên Êzidî, ‘Stiya Nexşa’ Hozan Mizgîn bi bîr anî.

	&nbsp;

	Endamên navenda Stiya Nexşa stranên li ser hozan Mizgîn hatine gotin û stranên wê ji jinan re gotin.

	&nbsp;

	Li Mexmûrê Hozan Mizgîn hat bibîranîn

	&nbsp;

	Hunermend û şoreşgera Kurd Hozan Mizgîn di 32’yemîn salvegera şehadeta xwe de li Navenda Çand û Hunerê ya Wargeha Şehîd Rustem Cûdî (Mexmûr) jî hat bibîranîn.

	&nbsp;

	Navenda Çandê bi wêneyên cangoriyên çand û hunerê hatin xemilandin. Beriya ku bibîranîn dest pê bike, di şexsê cangorî Mizgîn û hemû cangoriyên çand û hunerê de ji bo tevahî cangoriyên Tevgera Azadiya Kurdistanê deqeyek rêz hat girtin. Piştî rêzgirtinê têkildarî huner û têkoşîna cangorî Hozan Mizgîn, Endama Stêra Zêrîn Helena Babat axivî.

	&nbsp;

	Helena di destpêka axaftinên xwe de, di şexsê cangorî Hozan Mizgîn de hemû cangoriyên çandê bi bîr anî û got: “Wek tê zanîn meha Gulanê meha şehîdan e, meha qehremanan e. Di heman demê de meha şehîdên çandê ye ku hem bi rêya hunerî û hem jî bi rêya qehremanî jiyana xwe ji dest dane. Em wan şehîdan hemûyan bi bîr tînin. Hevala Mizgîn hem bi şêweya qehremanî û hem jî bi şêweya hunerî keda xwe ya di nava refên gerîla de daye nîşandan. Em keda wê ya di çandê de bi bîr tînin û bejna xwe li ber ditewînin. Şehîd Devrim û gelek şehîdên weke wan di vê rêyê de canê xwe ji dest dane. Dema em temaşe bikin, ji dîrokê heta niha bi sedan qehreman û ciwanên Kurd li ser vê rêyê canê xwe feda kirine. Em ê her tim li ser rêya wan bimeşin.”

	&nbsp;

	Piştî axaftinê, sînevîzyona ku li ser jiyan û hunera şehîd Mizgîn hatibû amadekirin, hat nîşandan. Her wiha piştî sînevîzyonê Koma Tevçand û Stêra Zêrîn stranên xwe pêşkêşî beşdaran kirin.

	&nbsp;