
DAKAP: Em ê li dijî polîtîkayên qeyûm li ber xwe bidin 

2024-04-03 20:46:17


	&nbsp;

	AMED - DAKAP'ê li dijî hewldana desteserkirina îradeya gel a li Wanê daxuyaniyek da û got, "Em wekî jinên demokratîk ku jiyana wekhev û azad diparêzin, li dijî polîtîkayên mêtinger ên 8 sal in ku tên meşandin, li ber xwe didin û pergala hevserokatiyê parast, em ê piştî îro jî bi biryardariyeke mezintir têkoşîna xwe bidomînin."

	&nbsp;

	Li dijî desteserkirina îradeya gelê Wanê ya di hilbijartinên herêmî de ji aliyê desthilatdariya AKP-MHP’ê ve li gelek cihan daxuyanî hatin dayîn. Bi vê boneyê di pêşengiya Platforma Jinan a Dîcle Amed &nbsp;(DAKAP) de bi tevlibûna hevşaredarên Bajarê Mezin ên Amedê û hevşaredarên navçeyên Amedê û gelek kesî daxuyanî hat dayîn. Di daxuyaniyê de peyamên piştgirî û yekîtiyê hatin dayîn.

	&nbsp;

	'Têkçûna herî mezin a AKP'ê ya hilbijartinê'

	&nbsp;

	Di daxuyaniyê de hat destnîşankirin ku bersiva dîrokî ya gelê Kurd a li dijî rejîma qeyûm ji aliyê hikûmetê ve hatiye paşguhkirin û wiha hat gotın, "AKP'a ku di jiyana xwe ya siyasî de têkçûna herî mezin a hilbijartinê dît, careke din hewl da îradeya gelê Kurd ji nedîtî ve bê. Wek tê zanîn; Hevşaredarê me yê Bajarê Mezin ê Wanê Abdullah Zeydan hemû rê û rêbazên qanûnî bi dawî kir û serî li Lijneya Hilbijartinê ya Bilind (YSK) da û di encamê de namzetiya wî ji aliyê YSK'ê ve hat qebûlkirin. &nbsp;Abdullah Zeydan bi piştgiriya piraniya xelkê Wanê hat hilbijartin."

	&nbsp;

	'Daxwaza ne rewa bi piraniya dengan hat qebûlkirin'

	&nbsp;

	Di hilbijartinên herêmî yên 31’ê Adarê de, tevî xebatên hilbijartinê yên ji aliyê desthilatdariya AKP-MHP’ê ve yêN di şert û mercên newekhev û sextekariya dengan hat kirin de jî hat destnîşankirin ku li Wanê serkeftineke dîrokî hat bidestxistin û wiha hat gotin, “Dizanin ku nikarin bi ser bikevin û &nbsp;AKP'ê li hemberî hevşaredarê Wanê komplo pêk anî. &nbsp;Lijneya Hilbijartinê ya Wanê jî bi piraniya dengan ev daxwaza neqanûnî û ne rewa ya ku vîna gel nas nake qebûl ki û mazbata da namzedê AKP'ê.."

	&nbsp;

	'Em ê têkoşîna xwe bi biryardarî bidomînin'

	&nbsp;

	Di daxuyaniyê de hat destnîşankirin ku jin di her şert û mercî de bi biryardarî têkoşîna xwe didomînin û biryardariya wan wê bidome û wiha hat gotin: “Çawa ku em jinên ku siyaseta demokratîk, jiyana wekhev û azad diparêzin, li dijî polîtîkayên mêtingeriyê yên ku tên meşandin li ber xwe didin û pergala hevserokatiyê diparêzin, em ê piştî îro jî bi biryardariyeke mezin têkoşîna xwe bidomînin. Di serî de li Şardariya Wanê li tu şaredariyan em ê nehêlin ku vîna gel desteser bikin."

	&nbsp;