
Li Qamişlo meşa 'Bijî berxwedana Wanê'  

2024-04-03 16:32:53


	&nbsp;

	&nbsp;

	NAVENDA NÛÇEYAN - Li bajarê Qamişlo yê Kantona Cizîrê bi sedan kes ji bo destekdayîna DEM Partî û serhildana bajarê Wanê meş li dar xist.&nbsp;

	&nbsp;

	Piştî ku şaredariya bajarê mezin a Wanê ku di hilbijartinan de namzetê DEM Partî bidest xistibû ji aliyê AKP’ê ve hat desteserkirin, welatiyên Qamişlo jî nerazîbûn nîşan dan.

	&nbsp;

	Înîsiyatîfa Gel a bajarê Qamişlo bi armanca destekdayîna serhildana gelê Wanê, meşek li dar xist. Meş ji Çerxerêya Sonî dest pê kir û heta ber avahiya Şaredariya Gel dom kir. Di meşa ku ji bilî sedan welatiyan rêveber û endamên saziyên li bajar jî tevlî bûn de, dirûşmeyên “Bijî berxwedana Wanê”, “Bijî Serok Apo” hatin berzkirin.

	&nbsp;

	Piştî meşê Hevseroka Şaredariya Gel a Qamişlo Emel Şemdîn daxuyanî xwend. Serkeftina gel a Bakûrê Kurdistanê pîroz kir. Destnîşan kir ku ev destkeftî di encama têkoşînek dijwar û berdelên mezin de hatine bidestxistin, lewma divê xwedî lê bê derketin.

	&nbsp;

	Emel da zanîn ku dewleta Tirk bi dehan salan e dijî destkeftiyên gelê Kurd di nava êrişan de û bal kişand ku wekî Bakurê Kurdistanê êrişî Bakur û Rojhilatê Suriyeyê jî dike.

	&nbsp;

	Diyar kir ku gelê Bakurê Kurdistanê di hilbijartinan de serkeftinek mezin bidest xistiye, DEM Partî encamên girîng bidest xistine, lê dewleta Tirk tehemûlî viya nekiriye.

	&nbsp;

	Emel Şemdîn serhildana gelê Bakur a dijî zordariya dewleta Tirk silav kir û got ku ew ê heta dawiyê piştgiriya wan bikin. Emel bêdengiya hêzên navnetewî jî şermezar kir.

	&nbsp;

	Çalakî bi dirûşmeya “Bijî brexwedana Wanê” bidawî bû.

	&nbsp;

	&nbsp;

	&nbsp;