
Li Qilebanê gel li dijî nelirêtiyan meş li dar xist  

2024-04-01 15:57:07


	&nbsp;

	&nbsp;

	ŞIRNEX - Li Qilebanê bi sedan kes li dijî nelirêtiyên hatin kirin bi dirûşmeyên “Em ê bi berxwedanê serbikevin” heta lijneya hilbijartinê ya navçeyê meşiyan.&nbsp;

	&nbsp;

	Li navçeya Qileban a Şirnexê welatî li dijî nelirêtiyên di hilbijartinê de meşek li dar xistin. Li dijî hewldana AKP’ê ya bi 2 hezar û 500 dengên veguhestî hilbijartinê xesp bike, welatî bi bertek in. Li navçeya ku li gorî encamên ne fermî AKP bi rêjeyeke gelekî kêm li pêş e, Partiya Wekhevî û Demokrasiyê ya Gelan (DEM Partî) îtîrazî encaman kir. Li gorî agahiyên ku ji rêveberiya DEM Partiyê ya navçeyê hatine wergirtin ferqa dengan heta 127’an ketiye.&nbsp;

	&nbsp;

	Qilebaniyên bertek nîşanî van encaman dan, ji rêxistina navçeyê heta Lijneya Hilbijartinê ya Navçeyê meşiyan. Parlamentera DEM Partiyê ya Şirnexê Newroz Ûysal Aslan û bi sedan kes tev li meşê bûn. Di dema meşê de dowîzên “Biaxive! Tu ji ku yî?” û “Hûn kole ne” hatin hilgirtin û dirûşmeyên “Em ê bi berxwedanê serbikevin” , “Diz dê hesabê bidin dizan” , “Qileban xwedî li vîna xwe derkeve” berz kirin.&nbsp;

	&nbsp;

	Bendemayîna girseyê ya li ber lijneya hilbijartinê didome. Parlamentera DEM Partî ya Şirnexê Newroz Ûysal û kesên pê re ji bo îtîrazê bi lijneyê re hevdîtin kirin.&nbsp;