Ji Girtîgeha Jinan a Tarsûsê di 5 rojan de 7 sirgûn! 

2024-03-22 09:10:39


	 

	 

	 

	Marta Somek

	 

	KAYSERÎ - Ji 7 girtiyên ji Girtîgeha Jinan a Tîpa T a Tarsûsê di nava 5 rojan de bi hinceta di greva birçîbûnê de ne, hatin sirgunkirin. Malbatê Elîf Kardagî ya girtî got: “Em dixwazin zextên li girtîgehan kêm bibin. Em dixwazin raya giştî guh bide dengê têkoşîna hevalên me yên girtî."

	 

	Li girtîgehan roj bi roj polîtîkayên tecrîdê girantir dibin, ji bo azadiya fîzîkî ya Rêberê PKK'ê Abdullah Ocalan ku di bin tecrîda girankirî de ye, di 27'ê Mijdara 2023'yan de li Girava Îmraliyê ji aliyê girtiyên siyasî ve çalakiya greva birçîbûnê ya bêdem-bêdorveger hat destpêkirin. 26 sal in û 36 meh in agahî jê nayê girtin, binpêkirina mafan jî zêde dibe. Di çalakiyan de hewl tê dayîn bi zorê av û xwarinê bidin girtiyan, gelek girtî rastî hucreyên yek kesî û cezayên dîsîplînê tên.

	 

	Yek ji mînakên dawî jî sirgûna li ser girtiyên li Girtîgeha Girtî ya Jinan a Tîpa T a Tarsûsê tê ferzkirin bû. 18’ê Adarê roja duşemê 6 girtiyên jin ên li Girtîgeha Girtî ya Jinan a Tîpa T a Tarsûsê bêyî agahiyê bidin xizmên xwe û xwe, sirgûnî Erzinganê hatin kirin û herî dawî jî girtiya Elîf Kardagî duh bi şev sirgûnî girtîgehê hat kirin. Elîf a ku bi îdiaya "endamtiya rêxistinê" hat girtin û 6 sal dîl hat girtin, li gorî agahiyên ku ji aliyê malbatê ve hatin dayîn, bi şev sirgûnî Girtîgeha Girtî ya Jinan a Kayseriyê hat kirin.

	 

	Malbata Elîfê ji ajansa me re axivî. 

	 

	Malbata wê diyar kir ku ji aliyê rêveberiya girtîgehê ve Elîf 20’ê Adarê roja yekşemê sirgûnê wê hatiye kirin û diyar kir ku duh şev ji aliyê rêveberiyê ve telefonî wan hatiye kirin û diyar kirine ku Elîf sirgûnî Girtîgeha Girtî ya Jinan a Kayseriyê hatiye kirin.

	 

	Malbata wê anî ziman ku rewşa Elîfê ya birin Qeyseriyê baş e û got: “Me herî dawî roja Duşemê bi Elîfê re bi telefonê axivî û wê ji me re got ku 6 girtiyên jin sirgûn bûne. Bi taybetî girtiyên di greva birçîbûnê de tên sirgûnkirin. 15-20 roj berê em çûn hevdîtina vekirî. Ji me re got 'Ji ber grevên birçîbûnê gelek zext hene'."

	 

	Malbata wê diyar kir ku Elîfê ji ber ku berê beşdarî çalakiya greva birçîbûnê bûye, kîloyên xwe winda kirine û wiha dawî li axaftina xwe anî: “Em dixwazin zextên li girtîgehan kêm bibin. Em dixwazin raya giştî guh bide dengê têkoşîna hevalên me yên girtî."