
Di pîrozbahiyên Newroza li Bakur û Rojhilatê Sûriyeyê de peyamên azadiyê 

2024-03-21 20:30:36


	&nbsp;

	NAVENDA NÛÇEYAN - Pîrozbahiyên Newrozê yên li 8 navendên Bakur û Rojhilatê Sûriyeyê bi stran, şano û govendê bi dawî bûn.

	&nbsp;

	Li 8 navendên Herêma Bakur û Rojhilatê Sûriyeyê Newroz bi dirûşma "Ji Rêber Apo re azadî, ji pirsgirêka Kurd re çareserî" hat pîrozkirin.

	&nbsp;

	Pîrozbahiyan saet 11.00’an li gundê Mamşûr ê Dêrikê, gundê Helîq ê Girkê Legê, gundê Dirêcîkê yê Tirbespiyê, bajarokê Hîmo yê Qamişloyê, gundê Çaxirbazar ê Amûdê, Sed Xerbî (Bendava Rojava) ya li Hesekê, gundê Çolbistan ê Dirbêsiyê û stadyuma Beledî ya li bajarê Qamişloyê dest pê kir.

	&nbsp;

	Di pîrozbahiyan de, ji bo azadiya fîzîkî ya Rêberê PKK’ê Abdullah Ocalan, bidawîkirina êrîşên Tirkiyeyê &nbsp;yên li hember Bakur û Rojhilatê Sûriyeyê gelek peyam derketin pêş.

	&nbsp;

	Di peyaman de hate diyarkirin ku dê Newroza 2024’an bibe Newroza azadiya fîzîkî ya Rêberê PKK’ê Abdullah Ocalan. Di axaftinan de balkişandin ser projeya Rêveberiya Xweser û hate destnîşankirin ku ev proje ji bo çareserkirina aloziya Sûriyeyê û bidawîkirina dagirkeriyê ya herî guncaw e.

	&nbsp;

	Di dawiya pîrozbahiyan de komên stran, şano û dîlanan daketin ser dikê û hunerên xwe nîşan dan. Li ber stranan jî govend hate gerandin.

	&nbsp;