
Piştî 10 sal şûnde li Gokçeadayê agirê Newrozê hat pêxistin  

2024-03-21 16:43:17


	&nbsp;

	&nbsp;

	ÇANAKKALE - Li Gokçeadayê piştî 10 salan cara ewil agirê Newrozê hat pêxistin, welatî li dora agir bi coşeke mezin Newroz pîroz kir.&nbsp;

	&nbsp;

	Li navçeya Gokçeada ya Çanakkale bi dirûşma “Rabe, dema azadî û serkeftinê ye” piştî 10 sal şûnde cara yekem Newroz hat pîrozkirin. Pîrozbahî li Otoparka şaredariyê hat pîrozkirin û bi alên Partiya Wekhevî û Demokrasiyê ya Gelan (DEM Partî qada pîrozbahiyê hat xemilandin. Her wiha li qadê pankarta “Rabe dema azadî û serkeftinê ye” hat daliqandin.&nbsp;

	&nbsp;

	Jinan bi cilên xwe yên rengîn tevlî pîrozbahiyê bûn.&nbsp;

	&nbsp;

	Pîrozbahî piştî rezgiritnê destpê kir.&nbsp;

	&nbsp;

	Hevberdevkê Komîteya Amedekar a Newrozê Sînam Allahkulu axivî û bal kişand ser girîngiya Newrozê.&nbsp;

	&nbsp;

	Hevseroka DEM Partî ya Gokçeadayê Fatma Guzel jî diyar kir ku piştî çend cal şûnde agirê Newrozê li vir tê pêxistin û got: "Agirê Newrozê bila bi xwe re aştiyê bîne."

	&nbsp;

	Hevberdevka Komîsyona Bawerî û Gelan a DEM Partiyê Yuksel Mutlu nameya Namzeta Hevşaredariyê ya Bajarê Mezin a Enqereyê ya DEM Partiyê Gultan Kişanak xwend.&nbsp;

	&nbsp;

	Parlamenterê DEM Partî ya Stenbolê Celal Firat axivî û Newroza gel pîroz kir.&nbsp;

	&nbsp;

	Pîrozbahiya Newrozê bi stranên Agît Işik û Siraç Padir dom kir.&nbsp;

	&nbsp;

	Piştî pêxistina agirê Newrozê girse bi dirûşma "Bijî Serok Apo" û "Newroz pîroz be" govend gerand û dawî li pîrozbahiyê anîn.&nbsp;