
Li Ceyhanê di bin baranê de agirê Newrozê hat pêxistin 

2024-03-21 15:59:03


	&nbsp;

	&nbsp;

	EDENE - Barîna barana zêde ya li navçeya Ceyhan a Edeneyê nekarî pêşiyê li pîrozbahiya Newrozê bigire. Dayikên Aştiyê agirê Newrozê vêxist û gotin: "Mifteya aştiyê li Îmraliyê ye”

	&nbsp;

	Barîna barana zêde ya li navçeya Ceyhan a Edeneyê nekarî pêşiyê li pîrozbahiya Newrozê bigire. Kesên ji bo pîrozbahiya li Qada Newrozê ya li Taxa Belediyeevlerî bi dirûşma “Rabe dema azadî û serkeftinê ye” hatin, li gel muzîkên ji ser dikê hatin lêxistin govend gerandin û li benda destpêkirina bernameyê sekinîn.

	&nbsp;

	Jinan bi cil û bergên xwe yên rengîn tevlî pîrozbahiyê bûn. Girseya ku îşareta serkeftinê kir her tim dirûşmeyên “Jin jiyan azadî” , “Newroz pîroz be” û “Bijî Serok Apo” berzkirin.&nbsp;

	&nbsp;&nbsp;

	Pîrozbahiya ku namzetên hevşaredariyê yên Bajarê Mezin ên Edeneyê û Ceyhanê yên DEM Partiyê jî tev li bûn bi rêzgirtinê dest pê kir û girseya li qadê dû re bi yek dengî dirûşma “Şehîd namirin” berz kir.&nbsp;

	&nbsp;

	Hevserokên DEM Partiyê yên Ceyhanê Meryem Guler û Gorgun Kaya piştî axaftina vekirinê agirê Newrozê li gel Dayikên Aştiyê, çepik, tilîlî û dirûşmeyan vêxist.&nbsp;

	&nbsp;

	Dû re Hevserokê DEM Partiyê yê Edeneyê Seyfettîn Aydemîr û namzetên Hevşaredariyê yên Ceyhanê Delal Mamûk û Cemal Gok bi rêzê derketin ser dikê Newroza gelê ku silav kirin pîroz kir.&nbsp;

	&nbsp;

	Namzeta Hevşaredariyê ya Bajarê Mezin a Edeneyê ya DEM Partiyê Arîfe Çinar jî spasiyên xwe pêşkeşî herkesên ku tevî barîna baranê tev li pîrozbahiyê bûn kirin.&nbsp;

	&nbsp;&nbsp;

	Parlamenterê DEM Partiyê yê Mêrsînê Alî Bozan ê kete nava girseya li ber baranê jî anî ziman ku roj ne roja axaftinê ye roja pîrozkirinê ye û wiha got: “Gelê kurd di bin baranê, berfê, bahozê û nava heriyê de her tim li qadan e û li ser piyan e.”

	&nbsp;

	Alî ê Newroza Abdullah Ocalan û girtiyên di çalakiya greva birçîbûnê de ne pîroz kir û destnîşan kir ku “Mifteya aştiyê li Îmraliyê ye.”

	&nbsp;

	Piştî axaftinan girse di bin baranê de govenda Newrozê gerand.&nbsp;