
Li Serhedê pîrozbahiyên 8'ê Adarê 

2024-03-08 16:06:31


	&nbsp;

	&nbsp;

	NAVENDA NÛÇEYAN - Li gelek bajarên serhedê 8'ê Adarê bi dirûşma "Jin jiyan azadî" hat pîrozkirin û di pîrozbahiyan de peyama mezinkirina têkoşînê hat dayîn.&nbsp;

	&nbsp;

	Bi minasebeta 8'ê Adarê li Serhedê jin çalakiyên 8'ê Adarê li darxistin û bal kişandin ser berxwedana jinan.&nbsp;

	&nbsp;

	Erzirom&nbsp;

	&nbsp;

	Li Erziromê şahiya jinan hat lidarxistin. Gelek jin tevlî şahiyê bûn û her wiha namzetên hevşaredarên DEM Partiyê jî di şahiyê de amade bûn. Di civînê de timî dirûşmên "Jin, jiyan, azadî" hatin berzkirin. Li jinan qurnefîl hatin belavkirin.

	&nbsp;

	Agirî

	&nbsp;

	Li Agiriyê jin li ber avahiya DEM Partî ya li Kolana Cumhuriyetê hatin cem hev. Gelek jin tevlî hevdîtina jinan bûn. Parlamentera Agiriyê ya DEM Partiyê ê Nejla Demîr jî amade bûn. Jinan di hevdîtinê de dirûşma "Jin, jiyan, azadî" berz kirin. Di hevdîtinê de namzeta hevşaredariyê ya Agiriyê Hazal Aras axivî û bal kişand ser berxwedana jinan û got jinên Agirî dê dîrokê binîvsînin.&nbsp;

	&nbsp;

	Bernameya jinan piştî Koma Muzîkê ya Sorjiyan bi dawî bû. &nbsp;

	&nbsp;

	Erdexan&nbsp;

	&nbsp;

	Li Golana Erdexanê jî jin li buroya hilbijartinê kom bûn. Li vir govend gerandin û dirûşma "Jin jiyan azadî" berz kirin. Di bernameyê de jinan bal kişand ser têkoşîna jinan û da zanîn ku dê heta dawiyê têkoşîna xwe bidomînin.&nbsp;

	&nbsp;

	Mûş&nbsp;

	&nbsp;

	Li Mûşê hevdîtina jinan bi dirûşma "Jin jiyan azadî" pêk hat. Endamên Meclîsa Ciwanan a DEM Partiyê tevlî hevdîtinê bûn. Jinan di hevdîtinê de klîba "Keziyên Sor" temaşe kirin. Namzeta hevşaredariya Mûşê Tuba Sayilgan axivî û da zanîn ku li dijî serdestiya mêr li ber xwe didin. Parlamentera Mûşê Sumeyye Boz jî di hevdîtinê de axivî û destnîşan kir ku îro bi hezaran rêheval li qadan li ber xwe didin, Sumeyye diyar kir ku heta ku jin azad nebe civak jî azad nabe.&nbsp;

	&nbsp;

	Çalakî bi gerandina govend û berzkirina dirûşmeyan bi dawî bû.&nbsp;