
Nobetên Edaletê bi daxwaza azadiyê didomin 

2024-03-03 17:14:54


	&nbsp;

	&nbsp;

	NAVENDA NÛÇEYAN - Çalakiyên Nobeta Edaletê ku bi daxwaza azadiya fîzîkî ya Rêberê PKK’ê Abdullah Ocalan hatiye destpêkirin li gelek bajaran berdewam kir.

	&nbsp;

	Çalakiya Nobeta Edaletê ku xizmên girtiyan bi daxwaza azadiya fîzîkî ya Rêberê PKK’ê Abdullah Ocalan û çareserkirina pirsgirêka kurd a bi rêyên demokratîk li gelek bajaran daye destpêkirin didome. Çalakî îro jî li gelek bajaran dom kir.

	&nbsp;

	Êlih

	&nbsp;

	Nobeta Edaletê ya li avahiya rêxistina Partiya Herêmên Demokratîk (DBP) a Êlihê hatiye destpêkirin jî di roja 31’an de berdewam kir. Aktîvîstên Tevgera Jinên Azad (TJA), endamên Platforma Ked û Demokrasiyê ya Êlihê û nûnerên partiyên siyasî yên bajar hatin serdana çalakvanan. Di çalakiyê de gelek caran dirûşmên "Jin, jiyan, azadî”, “Bijî berxwedana zindanan”, “Bê Serok jiyan nabe” û “Em ê bi berxwedanê bi ser kevin” hatin berzkirin. Kesên tev li nobetê bûn têkildarî yekitiya kurdan axivîn. Di çalakiyê de gelek caran stran hatin gotin.

	&nbsp;

	Mêrdîn

	&nbsp;

	Xizmên girtiyan û Dayikên Aştiyê Nobeta Edaletê ya li Mêrdînê dabûn destpêkirin îro jî domandin. Perwerdeya zimanê kurdî îro jî hate domandin. Di çalakiyê de gelek caran dirûşma “Bijî berxwedana zindanan” hate berzkirin û li ser paketa darazê ya dawî ku li Meclisê hate qebûlkirin nîqaş hatin kirin.

	&nbsp;

	Çalakvanan gotin ku bi vê paketa darazê re hiqûq bi temamî hatiye tunekirin û îktîdara AKP-MHP’ê dê di rojên pêş de polîtîkaya “dijminatiya kurdan” bidomînin.&nbsp;

	&nbsp;