Li Bordeaûxê çalakiya greva birçîbûnê dest pê kir 

2024-02-23 11:52:58


	 

	 

	NAVENDA NÛÇEYAN - Ji bo piştgirî dayîna greva birçîbûnê ya girtiyên li girtîgehên Tirkiye û Bakurê Kurdistanê ku 89 roj in grevê didomînin, bi pêşengiya TJK-F û SKB’ê li Bordeaûxê greva birçîbûnê hate destpêkirin.

	 

	Girtiyên li girtîgehên Tirkiye û Bakurê Kurdistanê ji bo azadiya fîzîkî ya Rêberê PKK'ê Abdullah Ocalan û çareseriya pirsgirêka Kurd 89 roj in di greva birçîbûnê de ne. Tevgera Jinên Kurd a Fransayê (TJK-F) û Yekîtiya Jinên Sosyalîst (SKB) ji bo piştgirî dayîna greva birçîbûnê ya girtiyan li bajarê Bordeaûx ê Fransayê greva birçîbûnê ya 4 rojan dan destpêkirin.

	 

	Greva birçîbûnê duh li Navenda Civaka Kurd a Demokratîk a Bordeaûx hate destpêkirin. Di grevê de hat diyarkirin ku êrîşên li ser girtiyên di greva birçîbûnê de zêde bûne, ev 3 sal in agahî ji Rêberê PKK'ê Abdullah Ocalan nayê girtin, bi girtîgehên bi tîpa S û Y cezayê hucreyê li hemû girtiyan tê ferzkirin. Li dijî van pêkanînan banga têkoşîn û berxwedanê hate kirin.

	 

	Çalakiya greva birçîbûnê wê 4 rojan li Navenda Civaka Kurd a Bordeaûx bidome.