
Li Rojavayê Kurdistanê pîrozkirina zimanê dayikê  

2024-02-21 14:49:44


	&nbsp;

	&nbsp;

	NAVENDA NÛÇEYAN - Bi hezaran mamoste û xwendekar li herêmên cuda yên Bakur û Rojhilatê Sûriyeyê Roja Zimanê Dayîkê bi çalakiyên cihereng pîroz kir.

	&nbsp;

	Li kantona Cizîrê li navçeya Amûdê, Til Hemîs, Tirbespiyê, Dirbêsiyê û bajaê Hesekê û bajarê Kobanê yê kantona Firatê çalakî hatin lidarxistin.

	&nbsp;

	Amûdê

	&nbsp;

	Bi sedan xwendekar, mamoste, endamên saziyên sivîl tev li meşa ku Rêveberiya Dibistanan bi vê boneyê li dar xistiye.

	&nbsp;

	Meş ji Qada Şehîd Cîhad dest pê kir û li Qada Jin rawestiya. Li wir Rêveberiya Dibistanan daxuyaniyek da, ev roj pîroz kir û mamosteyên di oxira parastina zimanê xwe de şehîd bûne, bi bîr anîn.

	&nbsp;

	Hesekê

	&nbsp;

	Desteya Perwerde û Fêrkirinê ya bajarê Hesekê şahiyek bi dirûşma "Roja Zimanê Dayîkê ya Cîhanê hebûna zimanê dayîkê hebûna me ye" li dibistana Felek He was a li taxa Miftî ya bajêr li dar xist. Di şahiyê de mamoste, xwendekar bi cil û bergên kurdî hazir bûn.

	&nbsp;

	Di şahiyê de endamê Saziya Zimanê Kurdî Mihemed Zevo ev roj li Abdullah Ocalan û rewşenbîrên kurd pîroz kir û got: "Çîrûska Şoreşa Rojava, destpêka vejandina zimanê kurdî bû. Bi saya şehîdan û şervanan, em fêrî zimanê xwe bûn. Fêrbûna bi zimanê kurdî, destkeftiyeke şoreşê ye."

	&nbsp;

	Dûre Koma Stêrk a Mafên Zarokan daxuyaniyek da û bang kir ku pêwîste zimanê kurdî were naskirin.

	&nbsp;

	Dirbêsiyê

	&nbsp;

	Rêveberiya Dibistanan a navçeya Dirbêsiyê 2 şahî ji xwendekarên refa navîn û amadehî li dibistana şehîd Roza Cûdî û Perwer Zîlan li dar xist. Bi sedan xwendekar, mamoste û endamên Desteya Perwerde û Fêrkirinê ya kantona Cizîrê tev li şahiyan bûn.

	&nbsp;

	Di her du şahiyan de şanoyên têkildarî girîngiya zimanê kurd û mafên gelan di fêrbûna wê de hatin pêşandan.

	&nbsp;

	Tirbespiyê

	&nbsp;

	Rêveberiya Dibistanan û Saziya Zimanê Kurdî şahiyek li dar xist. Di şahiyê de xwendekar, mamoste, endamên saziyên sivîl û şênî hazir bûn.

	&nbsp;

	Bi navê Rêveberiya Dibistanan Fener Mehmûd axivî û got: "Divê mamoste zimanê kurdî pêş bixin."

	&nbsp;

	Til Hemîs

	&nbsp;

	Navenda Perwerdeyê ya navçeya Til Hemîsê şahiyek li dar xist. Di şahiyê de gelek axaftin hatin kirin û teqezî bi parastina zimanê dayîkê hate kirin û pergola pirziman a li herêmê bi erênî hate nirxandin.

	&nbsp;