
Li Wanê vekirina buroyê ya girseyî: Em ê qeyûman bişînin 

2024-02-19 15:11:12


	&nbsp;

	&nbsp;

	WAN - Li Erdîşê bi tevlîbûna bi sedan welatiyan buroya hilbijartinê vebû û li vir hat gotin vê girseyê mizgînî daye û wê têkoşîn bê mezinkirin.&nbsp;

	&nbsp;

	Partiya Wekhevî û Demokrasiyê ya Gelan (DEM Parti), di çarçoveya xebatên hilbijartinên 31'ê Adarê de li navçeya Erdîşa Wanê buroya hilbijartinê vekir. Bi sedan kes bi def û zurneyan tevli vekirinê bûn û govend gerandin. DBP, DEM Partî, Namzetê Hevşaredariya Bajarê Mezin a Wanê Abdullah Zeydan, namzetên hevşaredariya Erdîşê Guler Temel û Baran Bilici her wiha Parlamentera DEM Partiyê ya Wanê Gülcan Kaçmaz Sayyigit tevli vekirina buroya hilbijartinê bûn. Her wiha welatiyên li derûdorê jî bi nîşana serfiraziyê û bi çepikan piştgirî dan vekirina buroya hilbjartinê.&nbsp;

	&nbsp;

	Li cihê buro lê hat vekirin bi hezaran kes bi gerandina govendê li hêviya girseyê man. Welatiyan eleqeyek mezin nîşanî namzetên hevşaredariyê dan.&nbsp;

	&nbsp;

	Berî axaftinan ji bo kesên di têkoşîna azadiyê de jiyana xwe ji dest dan rêz hat girtin. Piştre namzeta hevşaredariya Erdîşê Guler Temel da zanîn ew bi kêf û coşa li qadê kêfxweş bûne û bal kişand ser çalakiyên grevên birçîbûnê û Nobetên Edaletê yên ji bo azadiya Rêberê PKK'ê Abdullah Ocalan û çareseriya meseleya kurd hatine destpêkirin.&nbsp;

	&nbsp;

	Namzetê hevşaredariya Erdîşê Baran Bilici jî da zanîn ew ê qeyûman bişînin û got ew ê têkoşîna xwe bidomînin û ew ê bi gel re bi ser bikevin.&nbsp;

	&nbsp;

	Namzetê Hevşaredariya Bajarê Mezin a Wanê Abdullah Zeydan ew ê şaredariya Erdîşê bigirin û got gel her tim li partiya xwe û li îradeya xwe xwedî derdikeve. Her wiha Abdullah got divê Abdullah Ocalan azad bibe û meseleya kurd bê çareserkirin.&nbsp;

	&nbsp;

	&nbsp;

	&nbsp;

	&nbsp;

	&nbsp;

	&nbsp;

	&nbsp;

	&nbsp;