
Li bajarên Ewropayê komplo hat şermezarkirin 

2024-02-16 12:56:42


	&nbsp;

	&nbsp;

	NAVENDA NÛÇEYAN - Li Ewropayê bi pêşengiya jin û ciwanan, komploya navneteweyî ya 15'ê Sibatê ya li dijî Rêberê PKK'ê Abdullah Ocalan hat şermezar kirin.

	&nbsp;

	Kurdistanî û dostên wan li eyaleta Lînz a Awûstûryayê li hev kom bûn û li dijî komploya navneteweyî meşeke girseyî pêk anîn.

	&nbsp;

	Di meşa ku ji aliyê Navenda Civaka Demokratîk a Kurd (NCDK) hat organîzekirin de, gel di bin dirûşmeya “Azadiya Rêber Apo azadiya gelê Kurd e” hatin cem hev.

	&nbsp;

	Meş li Volksgartenê destpê kir û li Statdplazê bi dawî bû.

	&nbsp;

	Hevserokê Partiya Civaka Azad a Awûstûryayê Ahmet Zîrek, li qada bajêr axivî û wiha got, “Heta Rêber Apo azad nebe, em weke gelê Kurd jî azad nabin.”

	&nbsp;

	Oslo

	&nbsp;

	Li Osloyê 25'emîn salvegera Komploya Navneteweyî ya li dijî Rêberê PKK'ê Abdullah Ocalan hate şermezarkirin. Li vir Kurdistanî û dostên wan ên enternasyonalîst belavok belav kirin û meşeke bi meşale ya girseyî lidar xistin.

	&nbsp;

	Di çarçoveya çalakiyên ji aliyê NCDK-Oslo ve hatin organîzekirin de li navenda Osloyê mîtîngek hate lidar xistin.

	&nbsp;

	Hevserokê NCDK-Oslo’yê Endam Aso û Alîkarê Serokê Oslo yê Partiya Sor a Norwêcê Aram Zaherî axivîn. Çalakgeran her wiha li parlamentoyê bi partiyan re hevdîtin kirin.

	&nbsp;

	Hollanda

	&nbsp;

	Endamên TCŞ’ê bi pêşengiya Meclîsa Ciwanan a Şehîd Çekdar Canfeda, ji bo şermezarkirina komploya navneteweyî çalakî lidar xistin. Di çalakiyê de ciwanan posterên Abdullah Ocalan û alên PKK'ê vekirin û gelek caran dirûşmên "Ciwan fedaiyên Rêber Apo ne" berz kirin.

	&nbsp;

	Stuttgart

	&nbsp;

	Endamên TCŞ û TekoJIN, li dijî komployê li navenda kirin û firotinê ya li Stuttgartê alên PKK'ê daliqandin. Li vir ciwanan têkoşîna têkoşerên azadiyê silav kirin.

	&nbsp;

	&nbsp;