
Li Rojavayê Kurdistanê çalakiyên li dijî komploya 15'ê Sibatê  

2024-02-14 15:24:51


	&nbsp;

	&nbsp;

	NAVENDA NÛÇEYAN - Li herêmên Bakur û Rojhilatê Sûriyeyê bangên pêkanîna azadiya fîzîkî ya Rêberê PKK'ê Abdullah Ocalan roj bi roj zêder dibin.

	&nbsp;

	Ji bo şermezarkirina Komploya Navneteweyî ya li dijî Rêberê PKK'ê Abdullah Ocalan, şêniyên rojhilatê kantona Dêrazorê, navçeya Dirbêsiyê ya kantona Cizîrê 2 çalakiyên cuda li dar xistin. Her wiha Meclisa Minbicê ya Kombûna Jinan a Zenûbya û Desteya Tenduristiyê ya Kantona Firatê bi daxuyaniyên cuda banga azadiya fîzîkî ya Rêber Abdullah Ocalan kirin.

	&nbsp;

	Dêrazor&nbsp;

	&nbsp;

	Şêniyên rojhilatê kantona Dêrazorê ji pêşiya nexweşxaneya Hecînê dest bi meşê kir. Meş li qada Meclisa Malbatên Şehîdan rawestiya û veguherî mitingê. Di mitingê de, cîgirê Hevserokatiya Meclisa Gel a Herêma Rojhilat Selah El Selman daxuyanî xwend.

	&nbsp;

	Di daxuyaniyê de komploya navneteweyî hate şermezarkirin û bang li saziyên civaka sivîl, civata navneteweyî, NY, rêxistinên mafên mirovan hate kirin ku ji bo Abdullah Ocalan azad bibe, bixebitin.

	&nbsp;

	Dirbêsiyê

	&nbsp;

	Şêniyên navçeya Dirbêsiyê ji Parka Şehîd Zevîn ta Navenda Kongra Star meşiyan. Li pêşiya navendê endama Meclisa Partiya Yekitiya Demokratîk (PYD) Fîdan Seydo axivî û berxwedana Abdullah Ocalan girtiyên siyasî di girtîgehên Tirkiyeyê û Bakurê Kurdistanê de silav kir.

	&nbsp;

	Her wiha Fîdan diyar kir ku bi yekitî û hevgirtina gelan tecrîd dê were şikandin.

	&nbsp;

	Endama rêveberiya Tevgera Ciwanên Şoreger a Sûriyeyê şaxê navçeyê Nûr Ebas ji bo pêkanîna azadiya fîzîkî ya &nbsp;Abdullah Ocalan banga xurtkirina têkoşînê kir.

	&nbsp;

	Minbic

	&nbsp;

	Di heman çarçoveyê de li kantona Minbicê Kombûna Jinan a Zenûbya daxuyaniyek da. Di daxuyaniyê de hate gotin dem dema azadiya Rêber Abduhhal Ocalan e.

	&nbsp;

	Endama meclisê Hena Telcînî daxuyanî xwend. Di daxuyaniyê de berxwedana Abdullah Ocalan hate silavkirin û hate diyarkirin ku bi belavbûna ramanên Abdullah Ocalan li tevahî cîhanê komplo bi bin ket.

	&nbsp;

	Di daxuyaniyê de hate ragihandin ku Kombûna Jinan a Zenûbya tev li kampanyaya komkirina îmzeyan a ji bo azadiya fîzîkî ya Abdullah Ocalan dibe.

	&nbsp;

	Kobanê

	&nbsp;

	Desteya Tenduristiyê ya Rêveberiya Xweseriya Demokratîk a kantona Firatê jî daxuyaniyek li Kobanê da. Desteyê metirsiyên xwe li hember tenduristiya Abdullah Ocalan anîn ziman.

	&nbsp;

	Her wiha balkişand ser bêdengiya CPT'yê ku serdana Abdullah Ocalan kir û heta niha tu daxuyanî têkildarî wê serdanê û rewşa Abdullah Ocalan nekiriye.

	&nbsp;

	Desteyê bang li aliyên hiqûqî û NY'yê kir rewşa Abdullah Ocalan di ber çavan re derbas bikin û ji bo azadiya wî ya fîzîkî bixebitin.

	&nbsp;

	Hol

	&nbsp;

	Meclisa Ciwanan a Partiya Sûriyeya Pêşerojê meşek li navçeya Holê li dar xist. Meş ji pêşiya avahiya Perwerdeyê dest pê kir û li çerxerêya navçeyê bi dawî bû. Li vir beşdaran deqeyeke rêz hat girtin. Ji rêveberên Meclisa Ciwanan a Partiya Sûriyeya Pêşerojê Mihemed Ebûş axivî. Mihemed diyar kir ku projeya neteweya demokratîk a ku Abdullah Ocalan pêşkêş kiriye ji tevahî pirsgirêkên gelan re çareserî ye.

	&nbsp;