
Jinan li dijî êrişan meş li dar xistin 

2024-01-13 14:29:34


	&nbsp;

	NAVENDA NÛÇEYAN - Ji bo şermezarkirina êrişên dewleta tirk û komên girêdayî wê ya li hemberî jinên li Efrînê û êrişên li dijî herêmê, şêniyên Qamişloyê bi pêşengiya Kongra Star meşek li dar xist.

	&nbsp;

	Bi pêşengiya Kongra Star bi sedan şêniyên Qamişloyê bi meşekê sûcên komên girêdayî dewleta tirk ên li dijî jinan ên li Efrînê û êrişên duh ên dewleta tirk ên li ser kantona Cizîrê şermezar kirin.

	&nbsp;

	Meşê ji ber dermanxaneya Deham a li taxa Kornîş dest pê kir. Di meşê de wêneyên jinên ku li Efrînê ceza li wan hatiye birîn û şaxên darên zeytûnê ku wekî sembola Efrînê tên naskirin, hatin hildan.

	&nbsp;

	Piştî meşê girse li ber avahiya Komîseriya Bilind a Kar û Barên Penaberan a NY'yê kom bû. Endama Koordînasyona Kongra Star Remziya Mihemed li wir axivî û destnîşan kir ku ev 6 sal in Efrîn bi destê dewleta tirk û komên wê rastî siyasetên qirkirinê tê. Gel jî li hemberî dorpêça hikumeta Şamê li ber xwe dide û got: “Wê her dem rastî berxwedana gelan bên, dê gelê li Şehbayê di kampan de her têbikoşe heta azadiyê bi dest dixe.”

	&nbsp;

	Remziya Mihemed bal kişand ser cezakirina jinan ji aliyê dewleta tirk ve û da zanîn ku di demekê de ku cezayê darvekirinê li cîhanê tê rakirin, li Efrînê dewleta Tirk mîna siyasetên Îranê li dijî gelan dide meşandin û wiha dom kir: “Bi guhertina demografiyê, girtin û revandina şêniyan li Efrînê têr nebû, ji bo şikandina îradeya jinan cezayan dide. Em ê jî bi îradeya jinên azad li hemberî dagirkeriyê derkevin.”

	&nbsp;

	Çalakî bi dirûşma "Jin, Jiyan, Azadî" bi dawî bû.

	&nbsp;