
Li bajarên Serhadê bi hezaran kes deng bikar tîne 

2024-01-13 13:39:59


	&nbsp;

	
		WAN - Li gelek bajarên Serhedê DEM Partî pêşhilbijartinga ku li dar xist de bi hezaran deleqe çûn ser sindoqan dengê xwe bikar anîn.
	
		&nbsp;
	
		Partiya Wekhevî û Demokrasiyê ya Gelan (DEM Partî), li Wan û gelek bajarên Serhedê pêşhilbijartin li dar xist û bi hezaran delege çûn li ser sindoqan. Delegeyan bi bikaranîna dengên xwe namzetên xwe diyar bikin.
	
		&nbsp;
	
		Wan
	
		&nbsp;
	
		Li 12 navçeyên Wanê ku sindoq hatin danîn, li navçeya Mîksê jî dê namzet ji hêla Komîsyona Hilbijartinê ve bê diyarkirin. Dîsa ji ber ku li herêmê berfa zêde dibare bernamzet û delege nekarin xwe bigihînin navçeyan. Ji ber vê yekê li navçeyên Qelqelî, Serav, Bêgirî, Ebex û Payîz Ava hilbijartin betal bû û taloqê dîrokek pêş hat kirin. Li Eywana Dawetê ya Vîlla Park a Rêya Armûşê dê li ser 15 sindoqan deng bê dayîn. Li Tûşbayê jî li Eywana Dawetê ya Alyansê 5 sindoq hatin danîn û deng hatin bikaranîn. Di 6 sindoqên ku li Eywana Dawetê ya Masal a Artemêtanê hat danîn de deng hatin dayîn. Li Şaxê jî li qehwexaneyeke navçeyê sindoq hat danîn û deng hat dayîn. Li Eywana Civînê ya Bajêr a Elbakê deng li ser 2 sindoqan hat dayîn. Li Eywana Vîzyontele ya li Navenda Perwerdeya Gel a Westanê jî sindoqek hat danîn.
	
		&nbsp;
	
		Erzirom&nbsp;
	
		&nbsp;
	
		Li navçeya Gogsî ya Erziromê jî li Eywana Dawetê ya Temayê du sindoq hatin danîn û 323 delege dengên xwe bikar anîn. Li Eywana Qehwexaneya Çewlikê ya Xinûsê jî du sandiq hatin danîn. Li avahiya navçeya DEM’ê ya Tatosê jî du sandoq û li Eywana Pastexana Klas a li Qereçobanê jî du sindoq hatin danîn û deng hatin bikaranîn. Li vir jî bernamzetan xwe dan nasîn. &nbsp;
	
		&nbsp;
	
		Bedlîs
	
		&nbsp;
	
		Li navçeyên Bedlîsê jî ku hilbijartin bihata kirin, ji ber pirgirêkek teknîkê ya Komîsyona hilbijartinê dengdayîn betal bû û hilbijartin taloqî dîrokek pêş hat kirin.
	
		&nbsp;
	
		Agirî
	
		&nbsp;
	
		Li Agirî Eywana Dawetê ya Aydemîr, Bazîdê li Eywana Dawetê ya Mem û Zîn, li Patnosê li Eywana Dawetê ya Goldê, li navçeyên Tutax, Xemûr, Zêdkan, Avkevir û Giyadînê jî li avahiyên DEM Partî sindoq hatin danîn û pêşhilbijartin hatin kirin. &nbsp;Li vir jî piştî xwe nasandina bernamzetan dengdayîn dest pê kir.
	
		&nbsp;
	
		Mûş&nbsp;
	
		&nbsp;
	
		Li navenda bajêr û 3 navçeyên Mûşê jî sindoq hat danîn û delege dengên xwe bikar anîn. Delege li Eywana Dawetê ya Asmalî Konak a li navenda Mûşê 6 sindoqan, li avahiya navçeya DEM’ê ya Milazgir, li Eywana Dawetê ya Gimgim a navçeya Gimgimê 3 sindoqan, li Otela Grand Serhadhan a li Kopê 4 sindoqan de delegeyan dengên xwe bikar anîn û namzetên xwe diyar bikin.


	&nbsp;