
Nobeta Edaletê ya li Mêrsîn û Edeneyê didome 

2024-01-11 16:34:09


	&nbsp;

	&nbsp;

	MÊRSÎN/EDENE - Nobetên Edaletê yên li Mêrsîn û Edeneyê bi tevlîbûna gelek kesan di roja 39'emîn de dewam kirin.&nbsp;

	&nbsp;

	Girtiyên siyasî yên li girtîgehên bakurê Kurdistanê û Tirkiyeyê bi daxwaza azadiya fizîkî ya Rêberê PKK’ê Abdullah Ocalan ku li Girtîgeha Tîpa F a Ewlehiya Bilind a Îmraliyê tê ragirtin û zêdetirî 34 meh in tu agahî jê nayên girtin, di 27’ê mijdarê de çalakiya greva birçîbûnê ya demkî û dorveger dabûn destpêkirin. &nbsp;Çalakî di roja 46’emîn de berdewam dike.&nbsp;

	&nbsp;

	Malbatên girtiyan jî di çarçoveya kampanyaya navneteweyî ya “Ji Abdullah Ocalan re azadî, ji bo pirsgirêka kurd çareseriya demokratîk” de li Amed, Wan, Mêrsîn, Edene, Stenbol û Îzmîrê çalakiyên Nobeta Edaletê dane destpêkirin û çalakî didomin. &nbsp;

	&nbsp;

	Mêrsîn

	&nbsp;

	Çalakiya Nobeta Edaletê ya bi pêşengtiya Komeleya Piştevaniya bi Malbatên Girtî û Hikûmxwaran re ya Çûkûrovayê (Çukurova TUAY-DER) hatiye destpêkirin jî 39 roj in didome. Îro jî gelek kes hatin serdana çalakiyê. Parlamentera DEM Partiyê ya Mêrsînê Perîhan Koca û gelek kesên pê re hatin serdana nobetê. Perîhan, di çalakiyê de got ku berxwedana dayikan a li dijî tecrîdê û “pergala faşîst” a vê polîtîkayê dimeşîne didome. Perîhan, anî ziman ku ji bo edalet û aştiyê heta niha bedelên giran hatine dayîn û diyar kir ku ew xwedî li çalakiya nobetê derdikevin.&nbsp;

	&nbsp;

	Piştî axaftinan, çalakiya bi guhdarîkirina dengbêjan dom kir.&nbsp;

	&nbsp;

	Edene

	&nbsp;

	Nobeta Edaletê ya Komeleya Alîkarî û Piştevaniyê ya bi Malbatên Girtî û Hikûmxwaran re ya Edene Akdenîzê (AATUHAY-DER) daye destpêkirin di roja 39’emîn de berdewam kir. Hevserokên DEM Partiyê yên navçeya Seyhanê Fatma Çatikkaş û Şefîk Ozbey û rêveberên navçeyê hatin serdana nobetê. Di çalakiyê de gelek caran dirûşmên “Biji berxwedana zindanan" û "Bê Serok jiyan nabe" hatin berzkirin.&nbsp;

	&nbsp;

	Ji welatiyên hatin serdanê Bedrî Şengul pergala tecrîdê ya li Îmraliyê rexne kir. Şengul, got ku ji bo aştî û edalet bê welêt divê tavilê tecrîd bê rakirin û Rêberê PKK’ê Abdullah Ocala ji hêla fîzîkî ve azad bibe.&nbsp;

	&nbsp;

	&nbsp;