Bi hezaran Kurdistanî li Parîsê kom bûn

2024-01-06 16:34:46


	 

	 

	NAVENDA NÛÇEYAN - Bi hezaran Kurdistanî û dostên wan li Parîsê hatin ba hev û ber bi Qada Repûblîqûe ve dest bi meşa li dijî Komkujiya Parîsê kirin.

	 

	Kurdistanî û dostên wan li paytexta Fransa Parîsê bi pêşengiya Tevgera Jinên Kurd a Ewropayê (TJK-E) ji bo edalet û hesabpirsîna ji faîlên komkujiyên Parîsê, hatin ba hev û dest bi meşê kirin.

	 

	Ji ber ku hîna dewleta Fransayê komkujî ronî nekiriye, hêrsa Kurdan û dostên wan li qadê mezin e. Çalakvan ji bo edalet û heqîqetê ji saet 05.00’an û vir ve li Qada Parîs dû Nord kom bûn.

	 

	Meşa ku di salvegera komkujiya Parîsê ya duyemîn de hatî lidarxistin, wê heta Qada Repûblîqûe’yê bidome. Helbestvan, nivîskar, siyasetmedar, rewşenbîr, akademîsyen, muzîkjen jî beşdarî meşê bûn. Piştî meşa ku bi hezaran Kurdistanî û dostên wan beşdar bûyî, wê mîtîng were lidarxistin.

	 

	Di saetên sibehê de herikîn Parîsê

	 

	Ji welatên cuda yên Ewropayê Kurd û dostên wan bi 200 otobusan herikîn Parîsê. Li gorî agahiyên ji Komîteya Amadekar a Meşê hatîn wergirtin, ji van welat û bajaran Kurd û dostên wan beşdarî meşê bûne: “

	 

	Elmanya

	 

	Essen, Velbert, Gelsenkirchen, Bielefeld, Freiburg, Emmendingen, Luhr, Offenburg, Bocholt, Emmerich, Kleve, Goch, Wesel, Dinslaken, Marxloh, Duisburg, Oberhausen, Mülheim a.d. Ruhr, Moers, Dortmund, Meschede, Neheim, Hagen, Hamburg, Bremen, Tübingen, Maichingen, Bad Cannstatt, Heilbronn, Esslingen, Ludwigsburg, Hanau, Mainz, Gießen, Dieburg, Darmstadt, Heppenheim, Bensheim, Mannheim, Neunkirchen, Merzig, Beckingen, Vollingen, Frankfurt, Osnabrück, Munster, Gifhorn, Braunschweig, Hildesheim, Hannover, Düsseldorf, Wuppertal, Krefeld, Mönchengladbach, Koln.

	 

	Swîsre

	 

	St.Galen, Winterthur, Rapperswil, Zürich, Zug, Luzern, Biel, Bern, Basel, Solothurn, Aarau, Lozan, Cenevre.

	 

	Belçîka

	 

	Verviyes, Liege, Brussel, Charlorie, Anvers, Leuven, Genk.

	 

	Hollanda

	 

	Amsterdam, Den Haag, Rotterdam, Arnhem, Eindhoven.”